Lineus longissimus

Lineus longissimus (lat. Lineus longissimus) — heyvanlar aləminin nemertinlər tipinin anopla sinfinin heteronemertea dəstəsinin lineidae fəsiləsinin lineus cinsinə aid heyvan növü.

Lineus longissimus
Elmi təsnifat
Domen: Eukariotlar Ranqsız: Amorphea Ranqsız: Obazoa Ranqsız: Opisthokonta Ranqsız: Holozoa Ranqsız: Filozoa Aləm: Heyvanlar Yarımaləm: Eumetazoylar Klad: ParaHoxozoa Klad: İkitərəflisimmetriyalılar Klad: Nephrozoa Ranqsız: İlkağızlılar Ranqsız: Spiralia Tipüstü: Spirallılar Tip: Nemertinlər Sinif: Anopla Dəstə: Heteronemertea Fəsilə: Lineidae Cins: Lineus Növ: Lineus longissimus
Beynəlxalq elmi adı
Lineus longissimus Gunnerus, 1770[1]
Şəkil axtarışı ITIS   204277 NCBI   88925 EOL   51622490

Uzunluğu 55–60 metrə (çox vaxt daha az) çata bilər ki, bu da onları planetin ən uzun heyvanlarına çevirir. (Göy balina 33 metrə, Physalia physalis — 50 m qədər, Cyanea capillata — 36 metrə qədər).

Yetkinlik yaşına çatmayanların rəngləri açıq zeytun qəhvəyi ilə tünd qəhvəyi, böyüklərdə isə qırmızı qəhvəyi dən qara rəngə qədər olur. Bu növ Nemertinlərin ən uzun nümayəndəsidir. Ümumiyyətlə 5 ilə 15 m arasında olurlar. Bədən diametri 5–10 mm olmasına baxmayaraq 30 m-dən çox uzunluğa malik ola bilirlər. Yırtıcı və leşçidirlər. Bədənin əzələ büzülmələri ilə digər qurdlar kimi hərəkət edirlər.

Avropanın şimal-qərbi dənizlərinin sahillərində, şimal-şərqi Atlantikada, Britaniya adaları ətrafında və Norveç sahilləri boyunca Şimal dənizi və Baltik dənizinə qədər olan şoran suların sahilində yayılmışdır.

Bu növ ilk dəfə norveçli təbiətşünas və yepiskop Yohan Ernst Gunnerus tərəfindən 1770-ci ildə rəsmi olaraq Ascaris longissima (indiki Lineus longissimus) kimi təsvir edilmişdir. Bu növ 1806-cı ildə ingilis təbiətşünası Ceyms Sauerbi (1757–1822) tərəfindən təsvir edilən və təxminən 15 növü də əhatə edən Lineus cinsinə aiddir.