Məşədi Hətəmxan ağa Bərxudar ağa oğlu — divanxana fərraşı, III gildiya tacir, yüzbaşı Məhəmməd ağa Yağləvəndli-Cavanşirin nəticəsi.
| MƏŞƏDİ HƏTƏMXAN AĞA YAĞLƏVƏNDLİ-CAVANŞİR | |
|---|---|
| Məşədi Hətəmxan ağa Bərxudar ağa oğlu Cavanşir | |
| Doğum tarixi | |
| Doğum yeri | Şuşa |
| Vəfat yeri | Şuşa |
Məşədi Hətəmxan ağa Bərxudar ağa oğlu 1792-ci ildə Şuşa şəhərində dünyaya göz gəlmişdi. Əslən Cavanşir-Dizaq mahalının Yağləvənd obasından idi. İbtidai təhsilini molla yanında almışdı. Sonra mədrəsədə təhsilini davam etdirmişdi. Mehdiqulu xan Sarıcalı-Cavanşirin hakimiyyəti dönəmində Divanxanada fərraş kimi xidmət etmişdi. Xanlıq ləğv olunandan sonra Şuşa şəhərində Rastabazarda dükan işlətmişdi. O, Xorasan və Məşhəd şəhərlərini ziyarət etmişdi.
Məşədi Hətəmxan ağanın törəmələri Hətəmov soyadını daşıyırdılar.
Məşədi Hətəmxan ağa Zeynəb xanımla ailə qurmuşdu. Zeynal, Məmməd, Əhməd, Muxtar adlı oğulları, Sona adlı qızı vardı.