Məhərrəm Zamanov

Məhərrəm Zamanov (d.8 avqust 1959, Şərur r., Maxta k. - ö.18 yanvar 2013, Bakı ş.) — yazıçı, Azərbaycan Yazıçıları Birliyinin və "AQRA" Elmin İnkişafına Dəstək İctimai Birliyinin üzvü.^[1]

Məhərrəm Zamanov
azərb. Məhərrəm Qəhrəman oğlu Zamanov‎
Təxəllüsü	Məhərrəm Zaman
Doğum tarixi	8 avqust 1959
Doğum yeri	Şərur rayonu, Maxta k. Azərbaycan SSR
Vəfat tarixi	18 yanvar 2013 (53 yaşında)
Vəfat yeri	Bakı
Vəfat səbəbi	ürəktutması
Dəfn yeri	Bakı
Vətəndaşlığı	Azərbaycan
Milliyyəti	azərbaycanlı
Atası	Qəhrəman Zamanov
Əsərlərinin dili	Azərbaycan dili

Məhərrəm Zamanov 8 avqust 1959-cu ildə Naxçıvan Muxtar Respublikasının Şərur rayonu Maxta kəndində anadan olub. Zamanov 1967-1977-ci illərdə Naxçıvan Muxtar Respublikasında orta təhsil alıb.

Ali təhsillə əlaqədar Ukraynaya köçmüş, Xarkov İnşaat Mühəndisləri İnstitutuna daxil olmuşdur. 1990-cı ildə ailəsi ilə birlikdə vətənə qayıtmış, 1992-ci ildə vətənin müdafiəsi məqsədi ilə könüllü olaraq cəbhə bölgəsinə yollanmışdır. 1993-cü ildə döyüş bölgəsində ağır yaralanmış, ordudan tərxis edilmişdir.

1994-cü ildə Azərbaycan Vətən Müharibəsi Veteranlar Birliyinin Xətai rayon şöbəsinin sədri vəzifəsinə təyin edilmişdir. ^[1] 1999-cu ildə birliyin fəaliyyətinin dayandırılması ilə əlaqədar olaraq vəzifəsindən azad edilmişdir. 2000-ci ildə ”Vətəndaş naminə” qəzetini təsis etmiş və qəzetin baş redaktoru vəzifəsində çalışmışdır. 2004-cü ildə “İdeal demokatratiya” qəzetində baş redaktor qismində çalışmışdır.

Məhərrəm Zamanov Azərbaycan Yazıçıları Birliyinin və "AQRA" Elmin İnkişafına Dəstək İctimai Birliyinin üzvü olmuşdur. 2004-cü ildən başlayaraq yaradıcıq fəaliyyətini inkişaf etdirmişdir.

2005-ci ildə “Süzgün baxışlar” adlı ilk şeir kitabı işıq üzü görmüşdür. 2007-ci ildə ilk “Axirətdən dönmüş məhəbbət” adlı romanını nəşr etdirmişdir. Bunlardan başqa bir sıra kitabların, eyni zamanda, hekayə və məqalələrin müəllifi olmuşdur. Yazıçı əsərlərində vətənpərvərlik hislərini, mənəvi dəyərləri ön plana çəkmiş, əsərlərinin bir çoxunda ermənilərin xislətini əks etdirmişdir.^[1]

• “Axirətdən dönmüş məhəbbət”
• “Başsız meyit”
• “Sonsuz erməni vandalizminin iç üzü”
• “Süzgün baxışlar”
• “Hava canavarı”
• “Əfqanıstan şahini”
• “Atıcı”
• “Qalx”
• “Qızılı saçlı”
• “Manyak”
• ”Həqiqətlərin məkanı”
• “Son zəng”
• “Aydın Əzimbəyov – Tarixlə səsləşən ömür yolu”
• “Maxtalı”

Yazar sonuncu “Maxtalı” tarixi romanında XIX əsrdə Naxçıvan və Qafqazda məşhurlaşan, ancaq şəxsiyyəti və fəaliyyəti indiyə qədər müxtəlif səbəblərə görə tarixçilər və tədqiqatçılar tərəfindən öyrənilməmış maarifçi-demokrat Hümbət Maxtalının (1801-1859) bədii tarixi obrazını canlandırıb. Romanda XIX əsrdə baş vermiş Rus-İran müharibəsi və sonrakı dövrlər öz əksini tapıb.^[1]

Məhərrəm Zamanov ürək tutmasından 2013-cü ilin yanvar ayının 18-də Bakı şəhərində vəfat edib.^[1]

• Məhərrəm Zaman və Elman Əliyevin anım mərasimi.
• Qalx, Məhərrəm Zaman