Məmmədbağır İbrahimov

Məmmədbağır İbrahim Əli oğlu — 12 dekabr 1905-ci ildə Naxçıvan Muxtar Respublikasının Ordubad şəhərində anadan olmuşdur.

Məmmədbağır İbrahimov
Məmmədbağır Əli oğlu İbrahimov
Doğum tarixi	12 dekabr 1905 (118 yaş)
Doğum yeri	Ordubad, Naxçıvan qəzası, İrəvan quberniyası, Rusiya imperiyası
Vətəndaşlığı	Rusiya imperiyası→ AXC→ SSRİ
Milliyyəti	azərbaycanlı
Atası	Əli İbrahimov
Elm sahəsi	gigiyenist
Elmi dərəcəsi	Tibb elmləri doktoru
Elmi adı	professor
İş yeri	Azərbaycan Dövlət Tibb Universiteti
Təhsili	Azərbaycan Dövlət Tibb Universiteti
Elmi rəhbəri	N.A.Semaşko
Tanınır	Həkim-gigiyenist
Mükafatları	Əməkdar elm xadimi

İbrahimov Məmmədbağır Əli oğıu 1905-ci ildə Naxçıvan Muxtar Respublikasının Ordubad şəhərində anadan olmuşdur. 1964-cü ildə tibb elmləri doktoru, 1965-ci ildə professor, 1967-ci ilə Azərbaycan Respublikasının əməkdar elm xadimi adını almışdır. 1930-cu ildə Azərbaycan Dövlət Tibb Universitetinii stomatologiya fakültəsini bitirmişdir.

Azərbaycanda işlədikdən sonra Qazaxıstana ezam olunmuş, Cənubi Qazaxıstan vilayət apteklər idarəsinin rəisi, Alma Ata vilayət səhiyyə şöbəsi müdirinin müavini, Cambul vilayət səhiyyə şöbəsinin müdiri vəzifələrində çalışmışdır. 1941-ci ildə Monqolustanda işləmişdir. Monqolustan Xalq Respublikası Səhiyyə Nazirinin müşaviri olmuşdur. 1946-cı ildən Mockvada aspiranturada oxumuş, görkəmli səhiyyə təşkilatçısı N.A.Semaşkonun rəhbərliyi ilə namizədlik dissertasiyası müdafiə etdikdən sonra Bakıya qayıtmış, Ə.Əliyev adına Azərbaycan Həkimləri Təkmilləşdirmə İnstitutunda sosial gigiyena və səhiyyənin təşkili kafedrasının müdiri vəzifəsində çalışmışdır.Tədqiqatları Azərbaycanda və Monqolustanda səhiyyənin tarixi və inkişafına həsr olunmuşdur.^[1]

1. Здравоохранение Монголской Народной Республики, М., 1963;
2. Здравоохранение Советского Азербайджана, М.. 1967.

1. ↑ Naxçıvan Ensiklopediyası, Bakı-2002, s.209