Məmmədsadıq Abdullayev

Bu məqalədə heç bir məlumatın mənbəsi göstərilməmişdir. Lütfən, etibarlı mənbələr əlavə etməklə məqaləni təkmilləşdirməyə kömək edin. Qərəz yaradan mənbəsiz hissələr müzakirəsiz silinə bilər.

Məmmədsadıq Məmmədağa oğlu Abdullayev (1 iyul 1924, Lənkəran, Lənkəran qəzası – 18 oktyabr 2006, Bakı) — alim, anatom, histoloq, Tibb elmləri doktoru (1965), professor (1965), Əməkdar elm xadimi.

Məmmədsadıq Abdullayev
Məmmədsadıq Məmmədağa oğlu Abdullayev
Doğum tarixi	1 iyul 1924(1924-07-01)
Doğum yeri	Lənkəran, Lənkəran qəzası, Azərbaycan SSR, ZSFSR, SSRİ
Vəfat tarixi	18 oktyabr 2006(2006-10-18) (82 yaşında)
Vəfat yeri	Bakı, Azərbaycan
Elm sahəsi	tibb
Elmi dərəcəsi	tibb elmləri doktoru
Təhsili	Azərbaycan Tibb Universiteti
Mükafatları

Məmmədsadıq Abdullayev 1 iyul 1924 ildə Lənkəran şəhərində anadan olmuşdur. 1940-cü ildə,Lənkəran şəhərinin 2 №-li orta məktəbini bitirmiş və 16 yaşında, Azərbaycan Tibb İnstitutuna qəbul olunmuşdur. 1944-cü ildə institutu fərqlənmə ilə bitirmişdir, 1943-cü ildən son günlərinə qədər Azərbaycan Tibb İnstitutunda dərs deyib. 1947-ci ildə buranın aspiranturasını və 1965-ci ildə Leninqradda S.M.Kirov adına Hərbi-Tibb Akademiyasında doktoranturanı bitirmiş və orada "Gözün hərəki aparat sinirləri" mövzusunda doktorluq dissertasiyasını müdafiə edib, tibb elmləri doktoru adı almışdır. 1967-cı ildən professordur. 1969-cu ildə Azərbaycan Tibb İnstitutunun "Histologiya" və 1969–1979-cu illərdə "İnsan anatomiyası" kafedralarının müdiri işləmişdir. 1988–2006-cı illərdə "İnsan anatomiyası" kafedrasının professoru, 1973–1979-cu illərdə Azərbaycan Anatomlar, Histoloqlar və Embrioloqlar Elmi Cəmiyyətinin sədri, 1976–1979, 1992–1995–ci illərdə "Azərbaycan Tibb" jurnalının baş redaktoru, 1976–1979-cu illərdə Azərbaycan SSR EA Terminologiya Komitəsinin üzvü olmuşdur.

1971-ci ildə SSRİ Ali Sovetinin rəyasət heyətinin fərmanı ilə "Şərəf nişanı" ordeni ilə təltif olunmuşdur, 2001-cü ildə "Qızıl qələm" mükafatı laureatı olmuşdur.

Məmmədsadıq Abdullyaev 18 oktyabr 2006-ci ildə Bakı şəhərində vəfat etmişdir.

Məmmədsadıq Abdullayevin tədqiqatları periferik sinirlərin mieloarxitektonikasının həm normada, həm də xroniki işemiya şəraitində öyrənilməsinə həsr edilmişdir. O, 300-ədək elmi əsərin, o cümlədən 5 monoqrafiyanın müəllifidir. Bir sıra beynalxalq konfranslarda məruzələrlə çıxış etmişdir.

• "Аристотель и аристотелизм в истории анатомии" (1988);
• "Большая трагедия малого круга" (1992);
• "Qalenizm və renessans anatomiyasının iztirabları" (2000);
• "İnsanın anatomiyası". I cild. (2000);
• "Нервы в истории анатомии, их миелоархитектоника, восходящая дегенерация нервов, вегетативная природа нейрона" (2002).
• "İnsan" (1996);
• "Azərbaycanda XX əsrin tibb tarixində insanın anatomiyası" (2006).