Məsləmə ibn Əbdülmalik

Məslamə bin ʿƏbd əl-Malik bin Mərvān (ərəb. مسلمة بن عبد الملك‎‎‎) — Xəlifə Əbdülmalikin oğlu, 716-718 (hicri 98-99)-ci illərdə Konstantinopolun mühasirəsiylə şöhrət qazanmış ən məşhur Əməvi sərkərdələrindən biri.

Məslamə ibn Əbd ül Malik
Məslamə bin ʿƏbd əl-Malik bin Mərvān
Ərəb Xilafətinin Azərbaycan və Ərməniyyə hakimi, Bizans - ərəb və Xəzər - ərəb müharibələrində qoşun sərkərdəsi
709 – 729
Əvvəlki	Məhəmməd ibn Mərvan
Sonrakı	Cərrah əl-Həkəmi
Şəxsi məlumatlar
Doğum tarixi	naməlum
Doğum yeri	Dəməşq, Əməvilər xilafəti
Vəfat tarixi	738
Vəfat yeri	Əməvilər xilafəti
Fəaliyyəti	hərbi lider[d]
Dini	islam
Hərbi xidmət
Mənsubiyyəti	Əməvilər xilafəti
Döyüşlər	Xəzər—ərəb müharibələri
Vikianbarda əlaqəli mediafayllar

Kiçik Asiyada bir çox uğur qazanan əmisi Məhəmməd ibn Mərvan kimi, o da kənizdən doğulduğundan Xilafətə vərəsəlikdən məhrum olmuşdu. Doğum tarixi naməlumdur. 738(hicri 121\124)-ci ilin dekabrında(məhərrəm)ayında vəfat edib. Atasının son hakimiyət ili olan 705(86)-ci ildən başlayaraq, Məslamə, Bizans ərazisində mütəmadi yay, bəzən qışa qədər uzanan, yürüşləri keçirir.^[1]

709-ci ildə Məslamə Azərbaycanın və Ərməniyyənin valisi vəzifəsində öz əmisi Məhəmməd ibn Mərvanı əvəz edir. Xilafətin şimal-qərb ərazilərinə nəzarət edərək Bizansa bir sıra yürüş edir. 712-ci ildə Amasyanı alır, 714-ci ildə Malatyanı. Məslamənin başçılığı altında ərəb qoşunları Qafqazda irəliləyir. Bu Xəzər-ərəb müharibələrinin başlamasına gətirir.^[2] 714-ci ildə ərəblər Dərbəndi tuturlar.