M.V.Lomonosov adına Moskva Dövlət Universitetinin Bakı filialı

M. V. Lomonosov adına Moskva Dövlət Universitetinin Bakı filialı və ya qısaca MDU Bakı filialı — Azərbaycan Respublikası Təhsil Nazirliyinin tabeliyində olan ali təhsil müəssisəsi.^[1]

M.V. Lomonosov adına Moskva Dövlət Universitetinin Bakı filialı
Əsası qoyulub	27 fevral 2009
Rektor	Nərgiz Paşayeva
Şəhər	Bakı
Ölkə	Azərbaycan
Ünvan	Hüseyn Cavid pr., 133
Sayt	msu.az

Filialın yaranması haqqında razılaşma Rusiya Federasiyasının təhsil və elm naziri Andrey Fursenkonun 2007-ci ilin martında Azərbaycana səfəri zamanı əldə edilimişdı.

M.V.Lomonosov adına Moskva Dövlət Universiteti rəhbərliyinin təklifi və Azərbaycan Respublikasının Prezidenti İlham Əliyevin yanvar 2009-cu il tarixli sərəncamına əsasən yaradılıb. Filial rəsmi surətdə 27 fevral 2009-cu ildə açılıb.

Filialın açılması ölkə daxilində dünyanın ən nüfuzlu universitetlərinin birində təhsil almağa və Rusiyanın tanınmış almləri ilə Azərbaycan elminin sıx əlaqəsinə şərait yaradır. M. V. Lomonosov adına Moskva Dövlət Universiteti Bakı filialının rektoru filologiya elmləri doktoru, professor Nərgiz Paşayevadır.

2023/2024 tədris ilində filialda 7 fakültə fəaliyyət göstərir:

1. Filologiya
2. Fizika
3. Tətbiqi riyaziyyat
4. Kimya
5. Psixologiya
6. İqtisadiyyat
7. Menecment

Gələcəkdə fakültələrin və tələbələrin sayının artacağı gözlənilir.

• M.V.Lomonosov adına Moskva Dövlət Universiteti
• İ.M.Seçenov adına Birinci Moskva Dövlət Tibb Universitetinin Bakı filialı

• MDU Bakı filialının rəsmi saytı

Vikianbarda M.V.Lomonosov adına Moskva Dövlət Universitetinin Bakı filialı ilə əlaqəli mediafayllar var.