Mahmud Məmmədov (dövlət xadimi)
Mahmud Tağı oğlu Məmmədov (sentyabr 1909, Aşağı Quşçu, Qazax qəzası – 1964) — Azərbaycan-sovet dövlət xadimi, Azərbaycan SSR Nazirlər Soveti sədrinin birinci müavini (1958–1960), Azərbaycan SSR kənd təsərrüfatı nazirinin müavini, Azərbaycan Politexnik İnstitutunun ilk direktoru (1950–1954).
| Mahmud Məmmədov | |
|---|---|
 | |
| 28 yanvar 1958 – 4 fevral 1960 | |
| Sədr | Sadıq Rəhimov Vəli Axundov |
| Əvvəlki | İlyas Abdullayev |
| Sonrakı | Rza Sadıqov |
.svg){kind=small} .svg){kind=small} | |
| 1954 – 1955 | |
| Nazir | Həsən Seyidov |
| 1950 – sentyabr 1954 | |
| Əvvəlki | vəzifə təsis edilib |
| Sonrakı | Abuzər Əliyev |
.svg){kind=small} | |
| 1943 – 1950 | |
| Şəxsi məlumatlar | |
| Doğum tarixi | sentyabr 1909 |
| Doğum yeri | |
| Vəfat tarixi | 1964 |
| Partiya |
|
| Elmi fəaliyyəti | |
| Elmi dərəcəsi | texnika elmləri namizədi |
|
|
|
| Təltifləri |
   |
.svg){kind=small}
Həyatı
[redaktə | mənbəni redaktə et]Mahmud Tağı oğlu Məmmədov 1909-cu ildə hazırkı Tovuz rayonunun Aşağı Quşçu kəndində anadan olmuşdur. 1924-cü ildə Qazax şəhərindəki pedaqoji texnikuma daxil olmuş, oranı bitirdikdən sonra Pambıqçılıq İnstitutunda oxumuş, 1933-cü ildə institutun mexanikləşdirmə fakültəsini bitirmişdir.[1]
Mahmud Məmmədov əmək fəaliyyətinə 1928-ci ildə başlamış, Tovuzda kəndli gənclər məktəbində, fabrik-zavod şagirdliyi məktəblərində, şoferlər məktəbində dərs demişdir. 1933–1937-ci illərdə Azərbaycan Kənd Təsərrüfatı İnstitutunun traktor və avtomobil kafedrasında assistent işləmiş, iki il baş müəllim olmuş və kafedra müdirini əvəz etmiş, institutun fakültə dekanı vəzifəsində çalışmışdır.[1] Texnika elmləri namizədi elmi dərəcəsini almışdır.[2]
1943–1950-ci illərdə Azərbaycan SSR kənd təsərrüfatı nazirinin müavini işləyən Mahmud Məmmədov 1950-ci ildən 1954-cü ilin sentyabr ayına qədər Azərbaycan Politexnik İnstitutunun direktoru olmuşdur. Sonra isə Azərbaycan SSR kənd təsərrüfatı nazirinin birinci müavini vəzifəsində çalışmışdır.[1]
1955-ci ilin aprel ayında Mahmud Məmmədov Azərbaycan Kommunist Partiyası Mərkəzi Komitəsinin kənd təsərrüfatı şöbəsinin müdiri vəzifəsinə təsdiq edilərək iki il yarımdan artıq bu vəzifədə işləmişdir. 1958-ci ilin yanvar ayında isə Azərbaycan SSR Nazirlər Soveti sədrinin birinci müavini vəzifəsinə təyin edilmişdir.[3]
Mahmud Məmmədov 1921-ci ildən Lenin komsomolu, 1942-ci ildən isə Sovet İttifaqı Kommunist Partiyasının üzvü olmuşdur. İki dəfə "Şərəf nişanı" ordeni ilə təltif edilmişdir.[1] Dördüncü çağırış Azərbaycan SSR Ali Sovetinin, beşinci çağırış SSRİ Ali Sovetinin deputatı seçilmişdir.
Mahmud Məmmədov 1964-cü ildə vəfat etmişdir.[2]
İstinadlar
[redaktə | mənbəni redaktə et]- ↑ 1 2 3 4 Маһмуд Тағы оғлу Мәммәдов // Альбом биографий депутатов Верховного Совета Азербайджанской ССР. 1955. Бакы. 1956. С. 211.
- ↑ 1 2 Məmmədov Mahmud Tağı oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 153–154.
- ↑ Маһмуд Тағы оғлу Мәммәдов // Коммунист. № 52 (10693). 4 март 1958-ҹи ил. С. 3.
Xarici keçidlər
[redaktə | mənbəni redaktə et]- "Мамедов Махмуд Таги оглы" (rus). Память народа. İstifadə tarixi: 31 may 2023.
- "Sabir rektorlar". Azərbaycan Texniki Universiteti. 21 mart 2023 tarixində orijinalından arxivləşdirilib. İstifadə tarixi: 31 may 2023.