Matey Kejman

Mateya Kejman (serb. Матеја Кежман / Mateja Kežman; 12 aprel 1979, Zemun, Yuqoslaviya) — keçmiş Serbiya futbolçusu, hücumçu, oyunçu karyerasını başa vurub. Daha çox PSV Eyndhoven klubundakı uğurlu çıxışı ilə yadda qalıb.

Matey Kejman
serb. Матеја Кежман / Mateja Kežman
Ümumi məlumatlar
Ləqəbi	Betmen[1]
Doğum tarixi	12 aprel 1979 (45 yaş)
Doğum yeri	Zemun, Serbiya SR, Yuqoslaviya
Vətəndaşlığı	Yuqoslaviya/Serbiya və Monteneqro Serbiya
Boyu	182 sm[2]
Çəkisi	74[2] kq
Mövqeyi	hücumçu
Klub haqqında məlumat
Klub	karyerasını bitirib
Karyerası
Klub karyerası[* 1] 1995—1996 Zemun 0 (0) 1996—1997 Radniçki 17 (11) 1997—1998 Loznitsa 13 (5) 1997—1998 Sartid 14 (4) 1998—2000 Partizan 54 (33) 2000—2004 PSV Eyndhoven 122 (105) 2004—2005 Çelsi 25 (4) 2005—2006 Atletiko Madrid 30 (8) 2006—2008 Fənərbaxça 46 (20) 2008—2010 Pari Sen-Jermen 35 (5) 2009 →  Zenit Sankt-Peterburq 10 (2) 2011 Saut Çayna 17 (7) 2011 BATE Borisov 6 (0) 2012 Saut Çayna 1 (0) Milli yığma[* 2] 2000—2003 Yuqoslaviya 27 (10) 2003—2006 Serbiya və Monteneqro 22 (7)
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 29 noyabr 2009 tarixində redaktə olunub. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

Serbiya çempionatlarında dəfələrlə bombardir adını qazanmış Matey Kejman Niderlandda kifayət qədər məşhurlaşıb. Onun "Uçan holland" ölkəsinə gəlişi 2000-ci ilə təsadüf edir. "Narıncı ölkə"də çıxış etdiyi 4 mövsümün 3-də snayperlər siyahısında birinci olmuş serbiyalı rusiyalı maqnat, Çukotka vilayətinin məşhur meri, "Çelsi"nin sahibkarı Roman Abramoviçin şəxsi dəvəti ilə də "Dumanlı Albion"a təşrif buyurdu. Cəmi 5 milyon funt sterlinqə. Lakin hücumçu gözlənilən effekti vermədi, nədənsə oyunu alınmadı – mövsümə cəmi 7 qol vurdu. Elə bunun nqəticəsi idi ki, sonrakı mövsüm madridli "matrasçılar"ın – "Atletiko"nun düşərgəsinə keçmək məcburiyyətində qaldı.

Əfsanəvi korrida ölkəsi İspaniyada da "futbol matadoru"na mövsüm düşərli olmadı. Doğrudur, bəzi qarşılaşmalarda həlledici rol oynadı, matçların taleyini həll etdi, lazımlı qolları vurdu. Ancaq bu onun yenidən göylərə yüksəlməsi, parlaması və yeni zirvələr fəth etməsi üçün yetərli olmadı. Ümumi götürdükdə, o, mövsümü çox zəif keçirdi, çünki gözlənilənləri verə bilmədi, əsl liderə çevrilib komandanı arxasınca aparmadı. Beləliklə, növbəti ünvan Türkiyə, Şərqlə Qərb arasında əfsanəvi körpu, dünyanın mərkəzi sayılan İstanbulun "bülbül" ocağı Fənərbağça oldu. "Şükrü Saracoğlu" ona Niderlanddakı uğurları gətirməsə də, işləri heç də pis getmir. Hər şeyə baxmayaraq, buna şahmatda "pat" vəziyyəti deyirlər. Çünki nə əla demək olar, nə də ki "pis" deyib onu böyük günahlarda ittiham etmək mümkündür. O özü də, deyəsən, bu vəziyyətdən qurtarmaq istəyir. Belə olmasaydı, onun "dəlisov", dəliqanlı imici heç doğrulmazdı.

İndi Kejman özünə yeni məskən, yeni istinadgah, yeni yuva axtarır. Tez-tez verdiyi müsahibələrdə nədənsə Rusiyanın son çempionu Sankt-Peterburq "Zenit"inin adını çox çəkir. Hə, yeri gəlmişkən, bu klubu da onun dünya şöhrəti qazandığı ölkədən – Niderlanddan olan mütəxəssis Dik Advokaat çalışdırır. Bəlkə, Şimal sahilləri, qızmar dəmiri soyutdu, onu ovundurub öz tilsiminə saldı.

PSV (2000/2001 – 24 qol, 2002/2003 – 35 qol və 2003/2004 – 31 qol)