Mehman Ağayev
Mehman Ağayev (31 avqust 1946, Masallı rayonu – 15 aprel 2021) — tibb elmlər doktoru, professor-nefroloq, Azərbaycan Tibb Universitetini Tədris terapevtik klinikasının Efferent terapiya mərkəzinin rəhbəri, Azərbaycan Respublikası Səhiyyə Nazirliyinin baş nefroloqu (2011–2019).
| Mehman Ağayev | |
|---|---|
| Mehman Məmmədrəhim oğlu Ağayev | |
 | |
| Doğum tarixi | |
| Doğum yeri | Mahmudavar, Masallı rayonu, Azərbaycan SSR, SSRİ |
| Vəfat tarixi | (74 yaşında) |
| Vəfat yeri | Bakı, Azərbaycan |
| Vəfat səbəbi | COVID-19 |
| Vətəndaşlığı |
 SSRİ → Azərbaycan |
| Milliyyəti | azərbaycanlı |
| Elmi dərəcəsi | tibb elmləri doktoru |
| Elmi adı | professor |
| Mükafatları | "Əməkdar həkim" (2010) |
Həyatı[redaktə | mənbəni redaktə et]
Mehman Ağayev 31 avqust 1946-cı ildə Masallı rayonunun Mahmudavar kəndində anadan olub.[1] 1962-ci ildə orta məktəbi qızıl medalla bitirib. 1968-ci ildə Azərbaycan Dövlət Tibb İnstitutunun müalicə-profilaktika fakultəsini bitirib. 1968-ci ildən 1970-ci ilə qədər Leninqrad Elmi-Tədqiqat Neyrocərrahiyyə institutuna kliniki ordinaturaya göndərilmişdir. 1971-ci ildən Respublika Klinik Uroloji Xəstəxanasında həkim-nefroloq kimi işləmişdir. 1976-cı ildə Respublika Klinik Uroloji Xəstəxanasında "Böyrəkköçürmə və hemodializ şöbəsi"nin müdiri təyin olunmuş və eyni zamanda Elmi-Tədqiqat Kliniki və Eksperimental Təbabət İnstitutunun "Hemodializ və Böyrəkköçürmə Laboratoriya"sında baş elmi işçi, 1983-cü ildə həmən laboratoriyanın müdiri seçilmişdir. 1986-ci ildə Əziz Əliyev adına Azərbaycan Dövlət Həkimləri Təkmilləşdirmə Institunda nefrologiya kafedrasnın professoru vəzifəsinə seçilmiş və professor adını almısdir. 1990-cı ildə Azərbaycan Tibb Universitetinin I Daxili xəstəliklərin propedevtikası kafedrasının professoru seçilmiş və hal-hazıradək həmin vəzifədə çalışır.
2010-cu ildə Azərbaycan Pespublikasının "Əməkdar Həkimi" fəxri adına layiq görülmüşdür.
1975-ci ildə "Kəskin və xronik böyrək çatışmazlığı zamanı ürək-damar sisteminin vəziyyəti" mövzusunda tibb elmləri namizədi alimlik dərəcəsini almaq üçün dissertasiya müdafiə etmisdir.
1986-cı ildə "Xroniki boyrək catışmazlığında qan dövranı pozgunluqları" mövzusunda tibb elmləri doktoru elmi dərəcəsini almaq üçün Seçenov adına I Moskva Tibb İnstitutunda dissertasiya müdafiə etmisdir.
262-dən artıq elmi əsərin, o cümlədən 12 monoqrafiyanin, 2 elmi-tədris filmin, 1 ixtiranın müəllifidir.
2011-ci ildə Azərbaycan Respublikası Səhiyyə Nazirliyinin Baş Nefroloqu seçilmişdir.
1993-cü ildə Bakı səhəri 2 saylı kliniki xəstəxanasında ixtisaslaşdırılmış Nefroloji və 2006-cı ildə Hemodializ şöbələrini açmış və onlara rəhbərlik edir.
2010-cu ildən eyni zamanda Azərbaycan Tibb Universitetinin Tədris Terapevtik Klinikasının Efferent Terapiya Mərkəzinin müdiri təyin olunmuşdur.
15 aprel 2021-ci ildə Bakı şəhərində vəfat etmişdir.[2]
İstinadlar[redaktə | mənbəni redaktə et]
- ↑ "Mehman Ağayev 8 avqust 1946-cı ildə Masallı rayonunun Mahmudavar kəndində anadan olub". 2016-03-05 tarixində orijinalından arxivləşdirilib. İstifadə tarixi: 2021-01-20.
- ↑ "Azərbaycanın keçmiş baş nefroloqu vəfat edib". 2021-10-19 tarixində arxivləşdirilib. İstifadə tarixi: 2021-04-15.
Xarici keçidlər[redaktə | mənbəni redaktə et]
- Mehman Ağayev, "Nefrologiya" Bakı- 2007, 352 səh
- Azərbaycan Respublikası Səhiyyə Nazirliyinin baş mütəxəssisləri- Mehman Ağayev — ATU-nun daxili xəstəliklərin propedevtikası kafedrasının professoru, t.e.d.[ölü keçid]
- Ağayev Mehman Məmmədrəhim oğlu- Azərbaycan Respublikası Səhiyyə Nazirliyinin baş nefroloqu[ölü keçid]