Nağı Əbdüləzimov
Nağı Əbdüləzimov (14 dekabr 1936, Zod, Basarkeçər rayonu – 8 sentyabr 2001, Gəncə) — Azərbaycan Respublikası Milli Məclisinin II çağırış[1] deputatı.
| Nağı Əbdüləzimov | |
|---|---|
 | |
| Doğum tarixi | |
| Doğum yeri | Zod kəndi, Basarkeçər rayonu, Qərbi Azərbaycan |
| Vəfat tarixi | (64 yaşında) |
| Vəfat yeri | Gəncə şəhəri, Azərbaycan |
| Milliyyəti | azərbaycanlı |
| İxtisası | Filoloq |
| Təhsili | Gəncə Pedaqoji İnstitutu, Bakı Ali Partiya Məktəbi |
| Fəaliyyət illəri | 1957-2001 |
| Partiyası | |
Həyatı[redaktə | mənbəni redaktə et]
Nağı Kərim oğlu Əbdüləzimov 14 dekabr 1936-cı ildə Qərbi Azərbaycanın Göyçə mahalının Zod kəndində anadan olub. 1953-cü ildə Zod kənd orta məktəbini bitirdikdən sonra Gəncə Pedaqoji institutun Dil-ədəbiyyat fakültəsinə daxil olub.
1957-1962-cü illərdə orta məktəbdə dil-ədəbiyyat müəllimi işləyib. 1962-ci ilin sentyabr ayında Basarkeçər rayon Komsomol Komitəsinin birinci katibi seçilərək, 1967-ci ilin avqust ayına kimi həmin vəzifədə çalışıb.
1967-1969-cu illərdə Bakı Ali Partiya Məktəbində oxuyub. 1969-1974 -cü illərdə Zod kəndində kolxoz sədri işləyib. 1974-1976 -cı illərdə Gəncə şəhəri Yüngül Sənaye Texnikumunda müəllimlik edib.
1976- cı ilin fevralından 1981- ci ilin aprel ayına qədər Azərbaycan KP Gəncə şəhər komitəsində təlimatçı, 1981- ci ilin aprel ayından 1991- ci ilin noyabr ayına kimi Gəncə şəhər PK də şöbə müdirinin müavini – Siyasi Maarif Evinin müdiri işləyib.
1991-1997 –ci illərdə Mədəniyyət İşgüzarlıq Mərkəzinin müdiri kimi fəaliyyət göstərib.
1993 –cü ildən YAP –ın üzvü olub. 1997 –ci ildə YAP Gəncə təşkilatının sədri seçilib. YAP-ın 1-ci Qurultayında Siyasi Şuranın üzvü seçilib.
2000-ci ildə Azərbaycan Respublikası Milli Məclisinin deputatı seçilib.
Nağı Əbdüləzimov 2001-ci il sentyabr ayının 8-də Gəncə şəhərində 64 yaşında vəfat edib.
Ömrünün son illərində yaşadığı həyatından bəhs edən ''Mənim ömür təqvimim'' adlı hekayə yazmağa başlamış lakin tamamlamamışdır.