Namiq Əbdüləliyev

Namiq Əbdüləliyev (tam adı: Namiq Qasım oğlu Əbdüləliyev; 16 iyun 1973, Başlıbel, Kəlbəcər rayonu – 23 iyul 1992, Alçalı, Kəlbəcər rayonu) — Azərbaycan Silahlı Qüvvələrinin əsgəri, şəhid.

Namiq Əbdüləliyev
Şəxsi məlumatlar
Doğum tarixi	16 iyun 1973(1973-06-16)
Doğum yeri	Başlıbel, Kəlbəcər rayonu, Azərbaycan SSR, SSRİ
Vəfat tarixi	23 iyul 1992(1992-07-23) (19 yaşında)
Vəfat yeri	Alçalı, Kəlbəcər rayonu, Azərbaycan
Dəfn yeri	Başlıbel
Vətəndaşlığı	Azərbaycan SSR, SSRİ→ Azərbaycan
Atası	Qasım Əbdüləliyev
Anası	Cəvahir Əbdüləliyeva
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	1991–1992
Rütbəsi	Əsgər
Vəzifəsi	Atıcı
Döyüşlər	Qarabağ müharibəsi (1988-1994)

Namiq Əbdüləliyev 1973-cü il iyunun 16-da Kəlbəcər rayonunun Başlıbel kəndində dünyaya göz açmışdır. O, 1989-cu ildə Başlıbel kənd orta məktəbini bitirib, Qılınclı kənd texniki peşə məktəbində sürücülük peşəsinə yiyələnmişdi.

1991-ci ilin iyul ayının 14-də hərbi xidmətə çağrılıb. Altı ay Ukraynada xidmət etdikdən sonra Vətənə qayıdıb. Geri dönən gündən etibarən Milli Ordunun tərkibində sərhədlərimizin keşiyində durub. 1992-ci il iyul ayının 23-də Alçalı postunda döyüşərkən 2 əsgər yoldaşı ilə birlikdə qəhrəmancasına şəhid olmuşdur.

Başlıbel kənd qəbiristanlığında dəfn edilmişdir. O, Başlıbel kəndinin ilk şəhidi idi.

Subay idi.

Namiq Əbdüləliyev şəhidlik zirvəsində ucaldıqdan sonra xatirəsinin əbədiləşdirilməsi üçün doğulduğu kəndin ilk şəhidi olaraq kənd məktəbinə onun adı verilmişdir.

Təhsil aldığı Başlıbel kənd orta məktəbində şəhidin xatirə guşəsi yaradılmış, sənədləri və foto şəkillərindən nümunələr burada saxlanılmışdır. 1993-cü il aprelin 2-də Kəlbəcər ermənilər tərəfindən işğalı zamanı məktəb yandırılmış, bu qiymətli sənədlər də məhv edilmişdir.

Qəhrəmanın bədii obrazı Hüseyn Şahbəndəyevin "Üçüncü gəliş" hekayəsində, Məhəmməd Nərimanoğlunun "Nakam talelər" və Musa Əzizin "Başlıbel şəhidləri" kitablarında geniş təsvir olunmuşdur.

1. https://fliphtml5.com/qznd/utth/basic
2. https://www.kalbajar.com/post/ba%C5%9Flibeli%CC%87n-i%CC%87lk-%C5%9F%C9%99hi%CC%87di%CC%87

• Başlıbel faciəsi
• Başlıbel kəndi