Nataşa Kandiç

Nataşa Kandiç (serb. Nataša Kandić; 16 dekabr 1946) — Serbiyalı ictimai xadim, insan hüquqları müdafiəçisi. Humanitar Hüquq Mərkəzinin təsisçisi və icraçı direktoru (Belqrad)[1]. Kandiçin tədqiqat işi Keçmiş Yuqoslaviya Beynəlxalq Cinayət Məhkəməsində cinayətlərin araşdırılması üçün istifadə edilmişdir.

Nataşa Kandiç
Doğum tarixi 16 dekabr 1946(1946-12-16) (77 yaş)
Təhsili
Fəaliyyəti insan hüquqları fəalı
Vikianbarın loqosu Vikianbarda əlaqəli mediafayllar

Bioqrafiyası

[redaktə | mənbəni redaktə et]

Nataşa Kandiç 1946-cı ildə Kraqujevac şəhərində (Serbiya) anadan olmuşdur. Təhsilinə görə bir sosioloqdur. Yuqoslaviyadakı hərbi qarşıdurmalardan əvvəl həmkarlar ittifaqı analitiki vəzifəsində çalışmışdır. Onun yazdığı “Kosovo Düyünü: Aç və ya kəs?” kitabının nəşrindən sonra Kandiç həmkarlar ittifaqından qovulur (1990). Xorvatiyada müharibənin başlaması ilə Kandiç və dostları dövlətin siyasətinə qarşı hərəkətlər edir. 8 oktyabr 1991-ci ildən 8 fevral 1992-ci ilədək hər gün Serbiya Prezidentinin sarayı qarşısında müharibədə ölənlərin xatirəsinə şam yandırırlar. 1991-ci ilin noyabrından 1992-ci ilin mayına qədər Serbiya vətəndaşlarının Xorvatiyadakı müharibəyə səfərbər edilməsinə qarşı referendum kampaniyasına rəhbərlik edir. Serbiyada Sarayevo bombardmanına qarşı ən böyük aksiyanın - "Qara Krep" in təşkilində iştirak edir. Etnik müharibə cinayətlərini sənədləşdirmək üçün 1992-ci ilin noyabr ayında Hümanitar Hüquq Mərkəzi qurur. 2004-cü ilin aprelində hərbi cinayətlərin sənədləşdirilməsi və istintaqı mərkəzləri şəbəkəsinin yaradılmasında iştirak etmişdir.

Kandiçə qarşı ittihamlar

[redaktə | mənbəni redaktə et]

2009-cu ilin fevralında Belqrad dördüncü rayon məhkəməsi tərəfindən Tomislav Nikoliçin böhtanına görə 200 min Serb dinarı cərimə tətbiq edir: 2006-cı ildə B92 kanalındakı televiziya proqramlarından birində Nikoliçin 1991-ci ildə Xorvatiyanın Antin kəndində mülki əhaliyə qarşı müharibə cinayətlərində iştirak etdiyi barədə yalan məlumatlar sızdırıb[2][3]. Belqrad rayon məhkəməsi hökmü 2009-cu ilin iyununda ləğv edir[4].

Mükafatlar

[redaktə | mənbəni redaktə et]

Sarayevonun fəxri vətəndaşı (2005);

Danisa "əxlaqi dəyərlərin yayılmasına verdiyi töhfəyə görə" ordeni (2006). Mükafatı Xorvatiya Prezidenti təqdim etmişdir[5].

İstinadlar

[redaktə | mənbəni redaktə et]
  1. ↑ См. стр. 79: ОБСЕ. "Дополнительное совещание по человеческому измерению. «Правозащитники и национальные институты по правам человека: законодательные, государственные и негосударственные аспекты». Итоговый отчёт". // osce.org. 30—31 марта 2006 года. 2016-12-20 tarixində arxivləşdirilib. İstifadə tarixi: 2016-12-6.
  2. ↑ "Nataša Kandić osuđena za klevetu Nikolića". // rts.rs. 2016-12-10 tarixində arxivləşdirilib. İstifadə tarixi: 2016-12-6.
  3. ↑ "HLC boss ordered to pay Nikolić EUR 2,000 in damages". B92 (ingilis). 2009-02-05. 2021-05-21 tarixində arxivləşdirilib. İstifadə tarixi: 2021-03-19.
  4. ↑ "Serbia; Events of 2009". Human Rights Watch (ingilis). 2009. 2020-09-19 tarixində arxivləşdirilib. İstifadə tarixi: 2021-03-19.
  5. ↑ "Те, у кого есть мечта". Радио Свобода. 2013-08-28. 2021-02-25 tarixində arxivləşdirilib. İstifadə tarixi: 2021-03-19.