Natiq Rəhimov

Natiq Rəhimov (tam adı: Natiq Əbdülmanaf oğlu Rəhimov; 27 fevral 1973, Bakı, Azərbaycan SSR, SSRİ) — Azərbaycanlı ilahiyyatçı, araşdırmaçı-yazar, aparıcı.[1] Dini Araşdırmalar Mərkəzinin direktor müavini (1997–2005) və icraçı-direktoru (2005-h.h); Azərbaycan Respublikası Dini Qurumlarla İş üzrə Dövlət Komitəsi sədrinin yanında Dinşünaslıq üzrə Komissiyanın üzvü (2012-h.h.).

Natiq Rəhimov
Natiq Əbdülmanaf oğlu Rəhimov
Doğum tarixi (51 yaş)
Doğum yeri Azərbaycan Azərbaycan SSR, Bakı
Vətəndaşlığı Azərbaycan Azərbaycan SSR -> Azərbaycan Azərbaycan
Milliyyəti Azərbaycanlı
Atası Əbdülmanaf Rəhimov
Elm sahəsi İlahiyyat
İş yerləri islam.az, İTV
Təhsili Azərbaycan Dövlət Neft Akademiyası

Həyatı[redaktə | mənbəni redaktə et]

Natiq Əbdülmanaf oğlu Rəhimov 27 fevral 1973-cü ildə Bakıda anadan olmuşdur.[2][3]

Təhsili[redaktə | mənbəni redaktə et]

1979–1989-cu illərdə Bakı şəhəri, Nizami rayonunun 12 saylı orta məktəbində təhsil almışdır.[3]

1989-cu ildə Məşədi Əzizbəyov adına Azərbaycan Neft və Kimya İnstitutunun (indiki: Azərbaycan Dövlət Neft və Sənaye Universiteti) Qaz-neft-mədən fakültəsinin Neft və qaz yataqlarının işlənməsi və istismarı ixtisasına daxil olmuş və 1994-cü ildə oranı bitirmişdir.[2][3]

Hərbi fəaliyyəti[redaktə | mənbəni redaktə et]

2006–2007-ci illərdə Azərbaycan Respublikası Silahlı Qüvvələrində zabit rütbəsində həqiqi hərbi xidmət keçmişdir.[3]

Yaradıcılığı[redaktə | mənbəni redaktə et]

Fəaliyyəti[redaktə | mənbəni redaktə et]

Əmək, ictimai və publisistik fəaliyyətləri

1994-97-ci illərdə "Qələm", "Şəhriyar" qəzetlərində fəaliyyət göstərmişdir.[3]

1997–2005-ci illərdə Dini Araşdırmalar Mərkəzinin direktor müavini vəzifəsində fəaliyyət göstərmişdir.[2][3]

1999–2002-ci illərdə "Qütb" (azərbaycanca) və "Polyus" (rusca) aylıq ictimai fikir jurnallarında baş redaktor müavini vəzifəsində çalışmışdır.[2][3]

1999–2002-ci illərdə Dini Araşdırmalar Mərkəzinin təşkil etdiyi "Quran" təfsiri kursuna rəhbərlik edib.[2]

2005-ci ildən Dini Araşdırmalar Mərkəzinin icraçı direktorudur.[3]

İctimai TV-də 2005–2007-ci illərdə "Cümə Söhbəti", 2007-ci ildən "Din və Cəmiyyət" verilişlərinin müəllifi və aparıcısı, 2008–2009-cu illərdə isə "Şərqə Doğru" verilişinin müəllifi olmuşdur.[3]

2012–2014-cü illərdə Azərbaycan Respublikası Dini Qurumlarla İş üzrə Dövlət Komitəsinin rəsmi mətbu orqanı olan "Cəmiyyət və Din" qəzetində müxbir vəzifəsində işləmişdir.[3]

Beynəlxalq və yerli miqyasda konfrans, simpozium və layihələrin iştirakçısı olmuş, Dini Qurumlarla İş üzrə Dövlət Komitəsinin regional konfranslarına və sair rəsmi tədbirlərə mühazirəçi qismində qatılmışdır.[3]

Əsərləri[redaktə | mənbəni redaktə et]

Son kitabının üz qabığı

Mənbə[2][3]

1994-cü ildən müxtəlif mətbuat orqanlarında ("Tövhid", "Şəhriyar", "Nəbz" qəzetləri, "Qütb", "İrs", "Dövlət və din" dərgiləri) dini, tarixi, ədəbi məzmunlu məqalələrlə çıxış edib. Hazırda "İslam.az" saytında yazır.[2]

İslam dininin tarixi, ideoloji əsasları, milli-mənəvi və dini-əxlaqi dəyərlər mövzusunda 8 kitabın müəllifidir. Daha bir neçə kitabın tərcüməçisi və redaktorudur.[2]

Bəzi kitabların yazılışında və nəşrində redaksiya heyətinin üzvü kimi iştirak etmişdir.[2]

Azərbaycan teatr səhnəsində dini-əxlaqi məzmunlu 9 pyesi səhnələşdirilib.[2]

Ssenariləri əsasında "Əbədiyyət karvanı" sənədli filmi, "Şərqə doğru" sənədli filmlər silsiləsi çəkilib.[2]

2015-ci ilin may ayında müəllifin azərbaycanlı İslam alimlərindən bəhs edən "Azərbaycan din alimləri" adlı kitabı çapdan çıxmışdır.[4][5]

Müəllifi olduğu kitablar

  1. Aşura şəhidləri (2004)
  2. Quran əhvalatları (2005)
  3. İslam tarixi. Abbasilər xilafəti (2005)
  4. Aşura şəhidləri (2004)
  5. Gündəlik İslam təqvimi (2007)
  6. Peyğəmbərin əmanəti (2010)
  7. Quran hekayələri (2014)
  8. Azərbaycan din alimləri (2015)

Həmmüəllifi olduğu kitablar

  1. Biz islamı öyrənirik (1997)
  2. İslamın əsasları (2002, təkrar nəşr 2007)
  3. Azərbaycan və Əhli-beyt irsi (2013).
  4. Axund və imamlar üçün xütbə nümunələri (2013)

Müəllif heyətinin və redaksiya şurasının rəhbəri olduğu kitablar

  1. Qısa İslam Ensiklopediyası (2012)
  2. Milli mənəvi və dini dəyərlərimiz mövzusunda bilik müsabiqələri üçün suallar (2013)

Tərcüməçisi və transliterasiya müəllifi olduğu kitablar

  1. Qumri Dərbəndi. Seçilmiş əsərləri (2004)
  2. Kərbəla bağçasından 100 gül (2006)
  3. Əli Şəriəti. Həcc (2010)

Yazılışında və nəşrində redaksiya heyətinin üzvü olduğu kitablar

  1. Xristian təriqətçi missioner təşkilatları Azərbaycanda: siyasi, mənəvi və ideoloji təxribat (1997)
  2. İslam: təhriflərə cavab (1997)
  3. Mənəvi işğal dayandırılsın! (1999)

Mükafatları[redaktə | mənbəni redaktə et]

"İslamın əsasları: fəlsəfə, tarix və əxlaq baxımından" kitabına görə "Avropa nəşr mətbu evi" tərəfindən 2008-ci ildə "Ən yaxşı vətənpərvər yazar I dərəcəli beynəlxalq mükafatı" ilə təltif edilmişdir.[3]

Şəxsi həyatı[redaktə | mənbəni redaktə et]

Ailəlidir, 2 oğlu var.[3]

İstinadlar[redaktə | mənbəni redaktə et]

  1. ↑ "«Din və Cəmiyyət»" ( (az.)). itv.az. 2015-05-22 tarixində arxivləşdirilib. İstifadə tarixi: 2015-05-23.
  2. ↑ 1 2 3 4 5 6 7 8 9 10 11 "İLAHİYYATÇI NATİQ RƏHİMOV "MEDİA FORUM" OXUCULARININ SUALLARINA CAVAB VERƏCƏK" ( (az.)). mediaforum.az. 2012-04-16. 2015-05-22 tarixində orijinalından arxivləşdirilib. İstifadə tarixi: 2015-05-23.
  3. ↑ 1 2 3 4 5 6 7 8 9 10 11 12 13 14 "Rəhimov Natiq kimdir? (Tərcümeyi hal)" ( (az.)). islamazeri.az. 2014-06-16. 2015-06-18 tarixində arxivləşdirilib. İstifadə tarixi: 2015-06-18.
  4. ↑ Ş.Nəzərli. "Natiq Rəhimovun "Azərbaycanın din alimləri" kitabı çapdan çıxıb" ( (az.)). salamnews.org. 2015-05-14. 2015-05-22 tarixində arxivləşdirilib. İstifadə tarixi: 2015-05-23.
  5. ↑ Səid Qərib. "Natiq Rəhimovun yeni kitabı nəşr olunub (Foto)". islamazeri.az. 2015-05-16. 2015-05-22 tarixində arxivləşdirilib. İstifadə tarixi: 2015-05-23.

Həmçinin bax[redaktə | mənbəni redaktə et]

Xarici keçidlər[redaktə | mənbəni redaktə et]