Nicat Kazımov

Nicat Kazımov
Nicat Kazımov
Doğum tarixi	17 iyun 1972 (51 yaş)
Doğum yeri	Şabran, Azərbaycan SSR, SSRİ
Vətəndaşlığı	SSRİ →; Azərbaycan
Fəaliyyəti	aktyor və rejissor
Təhsili	Azərbaycan Dövlət Mədəniyyət və İncəsənət Universiteti;
Mükafatları	;
IMDb	ID2928939

Nicat Mirəziz oğlu Kazımov (17 iyun 1972, Dəvəçi) — Azərbaycan aktyoru, rejissor, Azərbaycan Respublikasının əməkdar artisti (2013).

Həyatı[redaktə | mənbəni redaktə et]

Nicat Kazımov 17 iyun 1972-ci ildə Şabranda anadan olmuşdur. Orta təhsilini Ceyranbatanda yerləşən səkkizillik məktəbdə (1979-cu ildən), 3-cü sinifdən isə Sumqayıt şəhər H.Z.Tağıyev qəsəbəsində yerləşən 6 nömrəli orta məktəbdə almışdır.^[1] Azərbaycan Dövlət İncəsənət İnstitutunda Əlabbas Qədirovun kursunu və Norveçin Psixologiya Universitetinin Bakı filialını bitirmişdir. Film, serial, reklam və kliplərdə çəkilmiş, televiziya verilişlərində aparıcılıq etmiş, əcnəbi filmlərin dublyajında iştirak etmişdir. 1991-ci ildən Azərbaycan Dövlət Gənc tamaşaçılar teatrında aktyor, 1996-cı ildən isə həm də rejissor kimi fəaliyyət göstərir.

2023-cü ildə haqqında "Yaşanan yarım əsr" sənədli filmi çəkilib^[2].

Şəxsi həyatı[redaktə | mənbəni redaktə et]

Ailəlidir. Mirsənan (1998) və Mirismayıl (2002) adlı iki oğlu var.

Mükafatları[redaktə | mənbəni redaktə et]

25 iyun 2013-cü ildə "Azərbaycan Respublikasının əməkdar artisti" fəxri adına layiq görülmüşdür. 1 may 2017-ci ildə^[3], 9 may 2018-ci ildə^[4], 10 may 2019-cu ildə^[5], 7 may 2021-ci ildə^[6] və 10 may 2022-ci ildə^[7], 6 may 2023-cü ildə^[8] Prezident Mükafatına layiq görülmüşdür.

2018-ci ildə Böyük Britaniyada II Yelizavetanın şərəfinə təşkil olunmuş Vindzor Kral At Şousunun rejissoru kimi "Hərbi əməkdaşlıq sahəsində xidmətlərə görə" medalı ilə təltif olunub.^[9]

14 avqust 2019-cu ildə "Azərbaycan Respublikası Sərhəd Mühafizəsinin 100 illiyi" yubiley medalı ilə təltif olunmuşdur. 2021 - ci ildə bir daha "Hərbi əməkdaşlıq sahəsində xidmətlərə görə" medalı ilə təltif olunub. 2022-ci ildə "Şücaətə görə" medalı ilə təltif olunub.

Quruluş verdiyi tamaşalar[redaktə | mənbəni redaktə et]

Nicat Kazımov. Tık-tık və Tuk-tuk (1996);
Nicat Kazımov. Сənnətin üç alması (1997);
Nicat Kazımov. Qırmızı papaq (1998);
Samuil Marşak. Кошкин дом (rus bölməsi) (1999);
Nicat Kazımov. Ələddinin sehirli çirağı (2000);
Nizami Gəncəvi. Xeyir və Şər (2001);
Rəsul Rza. Ana qaz (2001);
M.Haqverdiyev. Ah qadınlar, qadınlar (2002);
M.Haqverdiyev. О женшины, женшины (rus bölməsi) (2002);
Nicat Kazımov. Золушка (rus bölməsi) (2003);
Əbdürrəhim bəy Haqverdiyev. Pəri cadu (2007);
Nicat Kazımov. Çəkməli pişik (2008);
Samuil Marşak. Pişiyin evi (2009);
Blangi Marvin. Yatmış gözəl (2010);
Eduardo De Filippo. Kabuslar (Milli Akademik dram teatrı) (2011);
Mate Vişnek. Qoca kloun (2012);
Kamran Ağabalayev, Nicat Kazımov. Hekayəti şahzadeyi Xəzər (2012).
Rey Kuni "Zorən şorgöz" (Milli akademik dram teayrı)(2013)
Abdulla Şaiq "Danışan gəlincik" (2013)
Yevgeni Şvarts "Kölgə" (Milli Akademik dram teatrı) (2014)
"Qoğal" nağıl tamaşa (2014)
"Çirkin ördək balası" (2015)
"Tarixin canlı səhifələri −1 " (tarixi rekanstruksiya) Gənclər və idman nazirliyi 2014
"Tarixin canlı səhifələri −2 " Qadın Hökmdarlar (tarixi rekanstruksiya) Gənclər və idman nazirliyi 2014
"Tarixin canlı səhifələri −3 " 1941–1945 (tarixi rekanstruksiya) Gənclər və idman nazirliyi 2015
Əziz Nesin. "Öldür məni, can-ciyər" (Qaqauz Milli Teatrı, Moldova, 2016)^[10]
"Sarı gəlin" (tarixi rekanstruksiya) Gənclər və idman nazirliyi 2015
Məhəmməd Füzuli. "Leyli və Məcnun" (2016)^[11]
"Bremen musiqiçiləri" Azərbaycan və Rus dillərində 2018
E.Şmit "Tanrıya 14 məktub" 2019
windsor horse show 2018–2019 - 2021 - 2022
Tələbə baharı "NƏSİMİ" 2019
Möcüzəli pillələr" 2019
Beynəlxalq Paralimpiya Komitəsinin 30 illiyinə həsr olunmuş "Yenilməzlər" adlı şou - 2019
"Sindibad" 2019
"Sindibad" rok opera 2018
Eduardo de Filippo "Filumena Marturano" - (Milli Akademik dram teatrı) (2021)
A. P. Çexov "Qağayı" - (Gənc tamaşaçılar teatrı) (2022)
Şuşada keçirilən 1-ci Beynəlxalq Kulinariya festivalı (2022)
Şuşada keçirilən Vaqif poeziya günləri "Əsrlərin sədası" (2022)