Opera Mobile smartfonlar, planşetlər və PDA-lar üçün Opera Software AS) tərəfindən hazırlanmış mobil veb brauzerdir. İlk dəfə 2000-ci ildə təqdim edildi. Operanın mobil versiyasını işlədən ilk cihazlar Psion Series 5, Psion Series 5mx, Psion Series 7 və daha sonra Psion netBook idi. Opera Mobile 3.6 versiyası 2000-ci ildə buraxıldı. Android, Maemo, Meego, S60, Windows Mobile, Windows Phone, Microsoft Windows sistemləri üçün uyğundur. Brauzerin öz Opera Mobile Store var.
Opera Mobile, WebKit ilə əvəz edilən 15-ci versiyaya qədər Presto layout mühərrikindən istifadə etdi, sonra Blink və Ajax kimi bir çox veb standartlarını dəstəklədi. 9.7 versiyasından etibarən veb səhifələr Opera Proqramının "Turbo" serverləri vasitəsilə sıxılır və Opera Turbo-dan istifadə edə bilir, beləliklə yükləmə ölçüsü azalır. Veb səhifələr sıxıldıqca səhifə yükləmə müddəti yaxşılaşır və bant genişliyi istehlakı 80%-ə qədər azalır.