Paramore

Paramore — 2004-cü ildə Tennessi ştatının Frenklin şəhərində qurulmuş amerikan rok qrupu. Qrupun hazırda üç üzvü var: Heyli Vilyams, Teylor York və Zak Farro.

Paramore
Paramore 2011
Əsas məlumatlar
Üslub	Alternativ rok, pop pank, emo, power pop, pop rok
Fəaliyyət illəri	2004 –günümüz
Leybl	Fueled by Ramen Warner Music Group
Heyət	Hayley Williams(vokal) Jeremy Davis(bas-gitara) Taylor York(ritm-gitara)
Keçmiş üzvlər	John Hembree Jason Bynum Hunter Lamb Zac Farro Josh Farro Josh Freese
Paramore
Vikianbarda əlaqəli mediafayllar

Qrupun debüt albomu “All We Know Is Falling” 2005-ci ildə buraxılıb. Bu albom Billboard musiqi cərgəsində 30-cu yeri çatıb. Onların ikinci albomu olan “Riot!” 2007-ci ildə təqdim edilib. Albomun məşhur sinqlları “Misery Business”, “Crushcrushcrush” və “That's What You Get” olmuşdur. Albom ABŞ-də RIAA tərəfindən platin sertifikat alıb. Qrup 2008-ci ildə Qremmi mükafatlarında “Ən yaxşı yeni sənətçi” nominantları siyahısına daxil olub. Paramore qrupunun 2008-ci ildə yayımladığı üçüncü studiya albomu “Brand New Eyes” Billboard 200 cərgəsinin 2-ci pilləsinə yüksəlmişdir. Albomda yer alan “The Only Exception” sinqlı bir çox ölkədə hitə çevrilmişdir.

2010-cu ildə qrup iki üzvünə sağ ol deyir. Paramore Zak və Coş Farro qardaşları olmadan fəaliyyətinə davam edir. 2013-cü ildə qrupun öz adını daşıyan dördüncü studiya albomu işıq üzü görür. Bu albom “Still Into You” və “Ain't It Fun” sinqllarına görə yaddaşlarda qalır. İkincisi qrupa “Ən yaxşı rok mahnısı” kateqoriyasında Qremmi mükafatı qazandırır. Bu albomun buraxılışından bir müddət sonra qrupun heyətində dəyişiklik baş verir. Basçı Ceremi Devis 2015-ci ildə qrupdan ayrılır və keçmiş zərb ifaçısı Zak Farro 2017-ci ildə qrupa qayıdır.

• All We Know Is Falling (2005)
• Riot! (2007)
• Brand New Eyes (2009)
• Paramore (2013)
• After Laughter (2017)
• This Is Why (2023)

• Paramore