Polis Akademiyası (Türkiyə)

Polis Akademiyası — Türkiyənin Ankara şəhərində dövlət universiteti. Baş Mühafizə İdarəsinin nəzdində fəaliyyət göstərən akademiyanın əsas məqsədi ictimai təhlükəsizliyi təmin etmək üçün ixtisaslı polis məmurları hazırlamaq, təhlükəsizlik və məhkəmə ekspertizası sahələrində yüksək təhsil səviyyəsinə malik kadrların hazırlanmasıdır.

Polis Akademiyası
Polis Akademisi[1]
Əsası qoyulub	1937[2]
Ölkə	Türkiyə
Sayt	pa.edu.tr

1937-ci ildə Polis Akademiyası Polis İnstitutu adı ilə yaradılanda onun məqsədi polis əməkdaşlarına bir illik ixtisasartırma kursu keçmək idi. 1940-cı ildən iki illik kollec, 1962-ci ildən sonra isə 3 illik ümumi kollec oldu. 1984-cü ildən bakalavr təhsili verən məktəbin adı dəyişdirilərək Polis Akademiyası oldu.

1991-ci ildə Polis Akademiyasının tərkibində fakultələr və Peşə məktəbləri - FYO adlı struktur yaradıldı və tələbələr FYO-ya rəsmən qəbul olunmağa başladılar.

2001-ci ildə aparılan yeni restrukturizasiyadan sonra Polis Akademiyasının 4 illik bakalavr təhsili funksiyası Təhlükəsizlik Elmləri fakültəsinə verildi. Akademiya özünün Təhlükəsizlik Elmləri İnstitutu, Təhlükəsizlik Elmləri fakültəsi, müxtəlif vilayətlərdə 24 Polis Peşə məktəbi, fakültə və kollec şöbələri ilə universitet statusu qazanmışdır.

Doktorantura təhsili 2006-cı ildə başlamışdır.

2015-ci ildə Təhlükəsizlik Elmləri fakültəsi bağlanaraq Polis məmurlarının tədris mərkəzinə çevrildi.

Polis Akademiyası Müdirliyinin nəzdində Polis Akademiyasının alt bölmələri təşkil olunur.

Polis Akademiyasının Rəyasət Heyətinə tabe olan akademik bölmələr bunlardır:

1. Cinayət Axtarışları Departamenti
2. Təhlükəsizlik Strategiyaları və İdarəetmə Departamenti
3. Beynəlxalq Təhlükəsizlik Departamenti
4. Məhkəmə Elmləri Departamenti
5. Cinayət Ədliyyəsi Departamenti
6. Nəqliyyatın Təhlükəsizliyi və İdarə Edilməsi Departamenti

Magistr proqramları:

• Beynəlxalq Terrorizm və Transmilli Cinayətlər proqramı
• Kəşfiyyat Araşdırmaları proqramı

Doktorantura təhsili:

• Təhlükəsizlik Strategiyaları və İdarəetmə
• Beynəlxalq Təhlükəsizlik

Türkiyənin müxtəlif vilayətlərində 6 Polis Kolleci Polis İdarəsinə lazım olan polisləri yetişdirmək üçün fəaliyyət göstərir.^[3]

Araşdırma mərkəzlərinə 7 şöbə daxildir:

• Beynəlxalq Terrorizm və Transmilli Cinayətlərin Araşdırılması mərkəzi
• Kəşfiyyat Elmləri Mərkəzinin ofisi
• Cinayətlərin Qarşısının Alınması üzrə Araşdırma mərkəzinin idarəsi
• Məhkəmə Tibb Araşdırmaları mərkəzi
• Yol araşdırmaları mərkəzi
• Təhlükəsizlik Təhsili Araşdırma mərkəzi
• Təhlükəsizlik İdarəetmə Araşdırma mərkəzi

• Təhlükəsizlik Elmləri fakültəsi. Bu, Təhlükəsizlik Ümumi Müdirliyinin birinci dərəcəli rəislərinə olan ehtiyacı ödəmək üçün qurulan Polis Akademiyasının Rəyasət Heyətinə bağlı təhsil ocağıdır.

PAEM-ə tələbə qəbulu iki yolla həyata keçirilir: peşəkar və mülki.

Polis Kollecləri 2001-ci ildə polis məktəblərindən yaradılan, Polis Akademiyasına tabe olan 2 illik kollec təhsili verən təhsil müəssisəsidir.

Polis Kolleclərini bitirən tələbələr polis zabiti rütbəsi ilə Polis İdarəsində müxtəlif vəzifələrə təyin olunurlar.

Türkiyənin müxtəlif yerlərində 9 Polis kolleci var.^[3]

Bu, Polis Akademiyasına bağlı bir təhsil müəssisəsidir. Mərkəzin tələbələri bakalavr məzunlarından ibarətdir və kurs şəklində təxminən 8 ay təlim keçirlər.

Polis Peşə Tədris mərkəzini bitirən tələbələr polis zabiti rütbəsi ilə polisə namizəd kimi Polis İdarəsində müxtəlif vəzifələrə təyin olunurlar.

Kriminalistika İnstitutu Nazirlər Şurasının 05 mart 2012-ci il tarixli qərarı ilə yaradılmışdır.^[4]

İnstitut Kriminalistika, Dəqiq elmlər, İnformasiya texnologiyaları və mühəndislik sahələrində akademik təhsil verməklə tədqiqat aparmaq və ekspertlər hazırlamaq üçün yaradılmış təhsil müəssisəsidir.

İnstitut akademiyanın adından müəllimlərin və ekspert kadrların hazırlanmasına cavabdehdir. Bundan əlavə, polis sahəsində magistr dərəcəsi verilir.^[4][5]

Cinayət ədaləti, Cinayət Axtarışı, Beynəlxalq Təhlükəsizlik və Təhlükəsizlik Strategiyaları və İdarəetmə sahələrində akademik təhsil verməklə tədqiqat aparmaq və ekspertlər hazırlamaq məqsədi ilə yaradılmış təhsil müəssisəsidir.

İnstitut akademiyanın adından müəllimlərin və ekspert kadrların hazırlanmasına cavabdehdir. Bundan əlavə, polis işi üzrə magistr dərəcəsi verilir.

Təhlükəsizlik Elmləri İnstitutu 2001-ci ildə magistraturadan sonrakı təhsili təmin etmək üçün yaradılmışdır.^[6] 2017-ci ildən etibarən 7 magistr və 2 doktorantura dərəcəsi təklif edir.^[7][8]

İnstitut Nazirlər Şurasının 28 aprel 2023-cü il tarixli qərarına əsasən yaradılıb.^[9][10] Bu, yol hərəkəti sahələrində araşdırma aparmaq və akademik təhsil verməklə ekspertlər hazırlamaq məqsədi ilə qurulmuş bir təhsil müəssisəsidir. İnstitut Akademiyanın adından yol hərəkəti xidmətləri üzrə ekspert kadrların hazırlanmasına cavabdehdir. Bundan əlavə, Nəqliyyatın təhlükəsizliyi və idarə edilməsi üzrə magistr dərəcəsi verilir.^[11]

• Polis Akademisi Resmi İnternet Sitesi
• Polis Akademisi Araştırma Merkezleri Başkanlığı