Qalib İbrahimoğlu

Qalib İbrahimoğlu (9 may 1972, Yevlax) — Ekspress qəzetinin redaktoru, Həsən bəy Zərdabi mükafatçısı,^[1] Azərbaycan Jurnalistlər Birliyinin üzvü.

Qalib İbrahimoğlu
Qalib İbrahimoğlu
Doğum tarixi	9 may 1972 (51 yaş)
Doğum yeri	Yevlax, Azərbaycan SSR, SSRİ
Vətəndaşlığı	SSRİ → Azərbaycan
Milliyyəti	azərbaycanlı
Fəaliyyəti	jurnalist
Mükafatları	Həsən bəy Zərdabi mükafatı

Həyatı[redaktə | mənbəni redaktə et]

Qalib İbrahimoğlu 1972-ci il mayın 9-da Yevlax şəhərində anadan olub. 1979-cu ildə Yevlax şəhər Ş. Qurbanov adına 8 saylı orta məktəbin birinci sinfinə getmiş, 1989-cu ildə həmin məktəbi bitirib. 1990–92-ci illərdə keçmiş Sovet Ordusunda hərbi xidmət keçib.^[1]

Təhsili[redaktə | mənbəni redaktə et]

1992-ci ildə keçmiş Bakı Sosial İdarəetmə və Politologiya İnstitutunun (indiki Prezident yanında İdarəçilik Akademiyası) sosial idarəetmə və sosiologiya fakültəsinə qəbul olmuş, 1998-ci ildə həmin institutu bitirib.^[1]

Ailəsi[redaktə | mənbəni redaktə et]

Ailəlidir, üç övladı var.

Fəaliyyəti[redaktə | mənbəni redaktə et]

Mətbuat fəaliyyəti[redaktə | mənbəni redaktə et]

• 1994-c ildən mətbuatdadır. Həmin il Yevlaxda çıxan "Nicat" qəzetində müxbir vəzifəsində işləyib. 1996-cı ildə Bakıda nəşr olunan "Hürriyyət" qəzetində müxbir, şöbə redaktoru, baş redaktorun I müavini vəzifəsində çalışıb.
• 1997-ci ildə "Bu gün" qəzeti baş redaktorunun I müavini, "Hürriyyət" qəzetinin baş redaktoru vəzifəsində işləyib.
• 1998-ci ilin sentyabrından 1999-cu ilin fevral ayına qədər "Azadlıq" qəzetində məsul katib olub. * 1999-cu ildə "Kaspi" qəzetinin baş redaktoru olub.
• 1999-cu ildən "Ekspress" qəzetində redaktordur.

Azərbaycan Mətbuat Şurası "Reket" jurnalistikasına qarşı komissiyanın, Azərbaycan Jurnalistlər Birliyinin, Orta Asiya və Güney Qafqaz Söz Azadlığı Şəbəkəsi İdarə Heyətinin üzvüdür.

Mükafat[redaktə | mənbəni redaktə et]

Azərbaycan Jurnalistlər Birliyinin Həsən Bəy Zərdabi mükafatının laureatıdır.^[1]

İstinadlar[redaktə | mənbəni redaktə et]