Ramiz Bayramov (şəhid)

Bayramov Ramiz Nəriman oğlu (20 avqust 1963, Zabrat – 8 may 1992, Şuşa, DQMV) — Azərbaycan Silahlı Qüvvələrinin leytenantı, Qarabağ müharibəsi şəhidi.^[1]

Ramiz Bayramov
Ramiz Bayramov Nəriman oğlu
Ramiz Bayramov
Şəxsi məlumatlar
Doğum tarixi	20 avqust 1963
Doğum yeri	Bakı, Azərbaycan SSR, SSRİ
Vəfat tarixi	8 may 1992 (28 yaşında)
Vəfat yeri	Qarabağ, Şuşa
Vəfat səbəbi	Döyüş zamanı şəhid olub
Hərbi fəaliyyəti
Rütbəsi	Leytenant

Ramiz Bayramov 1963-cü il Bakı şəhəri Zabrat qəsəbəsində ziyalı ailədə anadan olub. Sosialist əməyi qəhrəmanı Musa Bayramovun nəvəsidir. 1967-ci ildə Zabrat qəsəbəsi 33 saylı məktəbə daxil olub və 1976-cı ildə məktəbi bitirib. Təhsilini Azərbaycan Texniki Universitetində "Texnologiyaların idarə edilməsi" ixtisası üzrə davam etdirmiş, ardınca Sankt-Peterburqda hərbi xidmətdə olmuşdur.^[2] Xidmətini başa vurduqdan sonra Ramiz yenidən Bakıya qayıtmış və 1982-ci ildən Zabrat maşın qayırma zavodunda baş mühəndis işləmişdir.

Ailəli idi, bir övladı yadigar qalıb.

Ramiz Bayramov 1991-cı ildə Müdafiə Nazirliyində texniki baxış şöbəsində gizir rütbəsində fəaliyyətə başlamışdır.^[2] Ardınca könüllü olaraq döyüş bölgəsinə yollanmış və tankçı olaraq cəbhənin müxtəlif istiqamətlərində gedən döyüşlərdə fəal iştirak etmişdir. Ramiz Bayramov 1992-ci il mayın 7-dən 8-nə keçən gecə Şuşanın azad edilməsi zamanı itkin düşmüşdür. Ehtimallara görə onun idarə etdiyi tank mühasirəyə düşmüş və Ramiz Bayramov qəhrəmancasına şəhid olmuşdur.

• Binəqədi rayonunda yaşadığı ünvana onun adı verilmiş və binaya barelyefi yerləşdirilmişdir.