Ramiz Məlik-Aslanov
Ramiz Lütfəli oğlu Məlik-Aslanov (az. Ramiz Lütfəli oğlu Məlik-Aslanov; 14 mart 1942, Bakı, Azərbaycan SSR, SSRİ) — dirijor, professor (1993), Azərbaycan Respublikasının xalq artisti (1991),[1]Azərbaycan SSR Əməkdar incəsənət xadimi(1981), Beynəlxalq müsabiqələrin laureatı.
| Ramiz Məlik-Aslanov | |
|---|---|
| Ramiz Lütfəli oğlu Məlik-Aslanov | |
| Ümumi məlumatlar | |
| Doğum tarixi | 14 mart 1942 (82 yaş) |
| Doğum yeri | |
| Vətəndaşlığı | |
| Həyat yoldaşı | Tamilla xanım |
| Uşaqları | Teymur, Zaur |
| Atası | Lütfəli Məlik-Aslanov |
| Anası | Valentina Yermakova |
| Musiqiçi məlumatları | |
| Fəaliyyəti | dirijor |
| Mükafatları |
 |
Həyatı
[redaktə | mənbəni redaktə et]Ramiz Lütfəli oğlu Məlik-Aslanov — 14 mart, 1942-ci il, Bakı
Qədim və nəcib Qarabağın zadəgan Məlik-Aslanov ailəsindəndir. Erkən uşaqlıqdan musiqi ilə məşğul olmağa başlayıb.
1959-cu ildə Azərbaycan Dövlət Konservatoriyasının nəzdində musiqi məktəbi (indiki Bülbül adına Xüsusi Musiqi Məktəbi) bitirib.
1959–1965-ci ilərdə Üzeyir Hacıbəyov adına Azərbaycan Dövlət Konservatoriyasını (indiki Bakı Musiqi Akademiyası) violonçel sinfi üzrə oxuyub bitirmişdi.
1966-cı ildə N.A.Rimski-Korsakov adına Leninqrad Dövlət Konservatoriyasında (indiki N.A.Rimski-Korsakov adına Sankt-Peterburq Dövlət Konservatoriyası) opera-simfonik dirijorluq ixtisası üzrə aspiranturada təhsilini davam etdirmişdir.
Musiqi məktəbində oxuduğu illər ərzində SSRİ xalq artisti Müslüm Maqomayevla eyni partada oturub, musiqi məktəbini bitirdikdən sonra dost olaraq qalıblar.
Fəaliyyəti
[redaktə | mənbəni redaktə et]● 1971-ci ildə Leninqradda(indiki Sankt-Peterburq) dirijorluq debütünü etdi və bu ona şöhrət gətirdi.
● 1971-ci ildən Azərbaycan SSR Dövlət Televiziya və Radiosunun Simfonik Orkestrinə rəhbərlik etmişdir. Həmin orkestrlə bir çox ölkədə qastrol səfərində olub.
● 1977–1979-cu illərdə Qahirə konservatoriyasının orkestrində işləmişdi.
● 1979-cu ildən Qara Qarayev adına Dövlət Kamera Orkestrinin rəhbəri və dirijoru olmuşdur.
● 1995–2022-ci illərdə Avropanın ən yaxşılarından biri hesab olunan İstanbul Universitetinin Dövlət Konservatoriyasının orkestrin baş dirijoru.
● 2002–2008-ci illərdə Makedoniya Milli Simfonik Orkestrinə baş dirijor kimi dəvət olunur.
● Moskva, Sankt-Peterburq və London Kral Simfonik Orkestrlərini idarə etmək şərəfinə layiq görülüb.
● Aberdin, Bethoven, Babil, Oxrid və bir sıra başqa festivallarda iştirak edib.
● Üzeyir bəy Hacıbəyovun bir çox əsərlərinə, o cümlədən operalarından parçalara dirijorluq etmişdir.
Ailəsi
[redaktə | mənbəni redaktə et]● Həyat yoldaşı: Tamilla xanım Əli qızı Muxtarova (08.04.1937, Bakı)
● Övladları: Teymur (24.11.1970, Bakı), Zaur (20.07.1974, Bakı)
Həmçinin bax
[redaktə | mənbəni redaktə et]● Məlik-Aslanovlar[+]
Mənbələr
[redaktə | mənbəni redaktə et]● Azərbaycan Respublikası Dövlət Tarix Arxivi. F.24.Op.1.D.142.
● N.A. Cavanşir. Məlik-Aslanovların soyağacı haqqında, Azərbaycan Tarixi Şəcərə Cəmiyyətinin Xəbərləri, İkinci Buraxılış, Səda, Bakı, 2001, səh: 30-31 ISBN 5-86871-204-4
● E.E. İsmaylov. Məlik-Aslanovların şəcərəsinə aydınlıq gətirilməsi, Azərbaycan Tarixi Şəcərə Cəmiyyətinin Xəbərləri, Üçüncü Buraxılış. Bakı, "Adiloğlu" nəşriyyatı, 2001, səh. 169 ISBN 9952-25-001-0