Rasi Abdullayev

Rasi Mahmud oğlu Abdullayev (6 iyul 1944, Bakı – 26 noyabr 2024[1]) — Azərbaycan violonçelçalanı, professor (1999), Azərbaycan Respublikasının xalq artisti (2005).

Rasi Abdullayev
Ümumi məlumatlar
Digər adı Rasim Abdullayev
Doğum tarixi 6 iyul 1944(1944-07-06)
Doğum yeri
Vəfat tarixi 26 noyabr 2024(2024-11-26)[1] (80 yaşında)
Vətəndaşlığı SSRİ SSRİ→
Azərbaycan Azərbaycan
Musiqiçi məlumatları
Fəaliyyəti musiqiçi
Fəaliyyət illəri 1964-cü ildən
Musiqi aləti violonçel
Təhsili
Mükafatları "Azərbaycan Respublikasının xalq artisti" fəxri adı — 2005 "Azərbaycan Respublikasının əməkdar artisti" fəxri adı — 2005

Həyatı və fəaliyyəti

[redaktə | mənbəni redaktə et]

Rasi Abdullayev 6 iyul 1944-cü ildə Bakı şəhərində anadan olmuşdur.[2]1951–1962-ci illərdə Bülbül adına orta ixtisas musiqi məktəbində, 1962–1967-ci illərdə isə Azərbaycan Dövlət Konservatoriyasında violonçel ixtisası üzrə professor Sabir Əliyevin sinfində təhsil almışdır. Həmin il o, violonçel ixtisası üzrə konservatoriyada assistent kimi fəaliyyətə başlamışdır. 1968–1969-cu illərdə Moskva Dövlət Konservatoriyasının aspiranturasında Mstislav Rostropoviçin sinfində violonçel ixtisası üzrə təhsilini davam etdirmişdir. 1973-cü ildə Azərbaycan Dövlət Konservatoriyasının aspirantura-assistentliyini bitirmişdir.[3]

1964–1972-ci illərdə Azərbaycan Dövlət Kamera Orkestrinin, 1970–2010-cu illərdə isə Azərbaycan Dövlət Akademik Opera və Balet Teatrının simfonik orkestrində solisti olmuşdur.[3]

Rasi Abdullayev Bakı Musiqi Akademiyasında dərs deyir. 1976–1979-cu illərdə Qahirə, 1987–1994-cü illərdə isə Dəməşq konservatoriyalarında pedaqoji fəaliyyət göstərmişdir.[2]

26 noyabr 2024-cü ildə vəfat etmişdir.[4]

Təltif və mükafatları

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ 1 2 Tanınmış violonçel ifaçısı Rasi Abdullayev dünyasını dəyişib.
  2. ↑ 1 2 Abdullayev Rasi Mahmud oğlu // Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 36. ISBN 978-9952-441-02-4.
  3. ↑ 1 2 Tahirə Mustafayeva. Azərbaycanda milli violonçel sənətinin yaranmasına dair (dərs vəsaiti). Bakı. 2019. səh. 62–71.
  4. ↑ Xalq artisti Rasim Abdullayev vəfat edib