Rasim Əfəndiyev

Rasim Səməd oğlu Əfəndiyev (30 oktyabr 1928 və ya 1928^[1], Qazax – 13 fevral 2010 və ya 2010^[2], Bakı) — professor, sənətşünaslıq doktoru, Azərbaycan Milli Elmlər Akademiyasının həqiqi üzvü (2001), AMEA Memarlıq və İncəsənət İnstitutunun direktoru.

Rasim Əfəndiyev
Rasim Səməd oğlu Əfəndiyev
Doğum tarixi	30 oktyabr 1928
Doğum yeri	Qazax, Azərbaycan SSR, SSRİ
Vəfat tarixi	13 fevral 2010 (81 yaşında)
Vəfat yeri	Bakı, Azərbaycan
Elm sahəsi	Sənətşünaslıq
Elmi dərəcəsi	Sənətşünaslıq doktoru
Elmi adı	Akademik
İş yerləri	AMEA Memarlıq və İncəsənət İnstitutunun direktoru.
Təhsili	İ. Repin adına Leninqrad Rəssamlıq, Heykəltəraşlıq və Memarlıq İnstitutu[d] (–1950)
Mükafatları	2004

Rasim Əfəndiyev 30 oktyabr 1928-ci ildə Qazax şəhərində anadan olmuşdur. Sankt-Peterburq Dövlət Rəssamlıq Akademiyasının sənətşünaslıq fakültəsini bitirmişdir.

AMEA Memarlıq və İncəsənət İnstitutunun direktoru, Bakı İncəsənət Mərkəzi, Azərbaycan Dövlət İncəsənət Muzeyi, Xalça Muzeyi və s. təşkilatların elmi və bədii şuralarının sədri, memarlıq və incəsənət sahəsində elmi tədqiqat işləri üzrə koordinasiya şurasının sədri, Azərbaycan Rəssamlar Birliyinin üzvü, Beynəlxalq kitab sərgisinin laureatı, 1992-ci ildən Beynəlxalq Şərq Rəssamlıq Akademiyasının akademik-katibi, Rəssamlıq sənətinin inkişafında ən böyük rolu olan alimlərdən biridir.

SSRİ Rəssamlar İttifaqının, Rusiya Rəssamlıq Akademiyasının, Azərbaycan Respublikası Mədəniyyət Nazirliyinin bir sıra diplom və mükafatları ilə, Azərbaycan Respublikasının "Şöhrət" ordeni ilə təltif edilmişdir. "Soltan Məhəmməd" adına Beynəlxalq mükafata layiq görülmüşdür.

Akademik Rasim Əfəndiyev 13 fevral 2010-cu ildə Bakıda vəfat etmişdir.

• Çapdan çıxmış elmi əsərlərin ümumi sayı: 202
• Xaricdə çıxmış elmi əsərlərin sayı: 56

Əsas elmi əsərlərin adları:

• Azərbaycan dekorativ-tətbiqi sənətləri (orta əsrlər), (1976), Moskva
• Xalq sənəti. (1984), Bakı, (Azərbaycan, rus, ingilis dillərində)
• Azərbaycan daş plastikası. (1986), Moskva
• Azərbaycan dekorativ-tətbiqi sənətləri. (1999), Bakı
• Azərbaycan İncəsənəti. (ingilis dilində), (2004)

• SSRİ Mətbuat Komitəsinin mükafatı — 1977
• SSRİ Rəssamlar İttifaqının mükafatı — 1986
• SSRİ Rəssamlar İttifaqının mükafatı — 1989
• Atatürk kültür mərkəzinin mükafatı — 1994
• AMEA Fəxri Fərmanı — 2003
• Azərbaycan Respublikasının "Şöhrət" ordeni — 14 fevral 2004
• "Soltan Məhəmməd" mükafatı

• Rasim Əfəndiyev Arxivləşdirilib 2008-02-29 at the Wayback Machine
• "Təsviri sənətimizi dünyaya tanıtdıran alim". Vidadi Xəlilov. Ömür yollarında. Bakı: Nərgiz, 2012. — səh. 33.

1. ↑ Library of Congress Authorities (ing.). Library of Congress.
2. ↑ Bibliothèque nationale de France BnF identifikatoru (fr.): açıq məlumat platforması. 2011.