Rauf Vəli oğlu Hüseynov (12 iyun 1940, Göyçay – 21 fevral 2019) — AMEA Riyaziyyat və Mexanika İnstitutunun Riyazi fizika tənlikləri şöbəsinin müdiri, Fizika-riyaziyyat elmlər doktoru, professor, AMEA-nın müxbir üzvü (2007).[1]
Rauf Hüseynov | |
---|---|
Rauf Vəli oğlu Hüseynov | |
Doğum tarixi | |
Doğum yeri | Göyçay, Azərbaycan SSR, SSRİ |
Vəfat tarixi | (78 yaşında) |
Vətəndaşlığı |
SSRİ → Azərbaycan |
Elm sahəsi | riyaziyyat |
Elmi dərəcəsi | fizika-riyaziyyat elmləri doktoru |
Elmi adı | professor |
İş yerləri | Azərbaycan Milli Elmlər Akademiyası Riyaziyyat və Mexanika İnstitutu |
Alma-mater | Azərbaycan Dövlət Universiteti riyaziyyat fakültəsi |
Rauf Vəli oğlu Hüseynov 12 iyun 1940-cı ildə Azərbaycan Respublikasının Göyçay şəhərində anadan olmuşdur.1964-cü ildə Azərbaycan Dövlət Universitetinin (Bakı Dövlət Universiteti) mexanika-riyaziyat fakültəsini bitirmişdir.1964-1967-ci illərdə M.V. Lomonosov adına Moskva Dövlət Universitetində aspirant, 1991-1994-ci llərdə isə həmin universitetin doktorantı olmuşdur. 1990-2002-ci illərdə R.V. Hüseynov AMEA Riyaziyyat və Mexanika İnstitutunun böyük elmi işçi, aparıcı elmi işçi, “Funsional analız” şöbəsinin müdiri, baş elmi işçi vəzifələrində işləmişdir. 2002-2005-ci illərdə Türkiyə Respublikasının Afyon şəhərinin Hocatepe Universitetinin professoru, 2006-cı ildə Milli Aviasiya Akademiyasında professor vəzifəsində işləmişdir. 2007-ci ildən isə AMEA Riyaziyyat və Mexanika İnstitutunun ”Riyazi fizika tənlikləri” şöbəsinin müdiri vəzifəsində işləyir. R.V. Hüseynov funksional analiz sahəsində dünya şöhrətli Moskva Riyaziyyat məktəbinin yetirməsidir. Onun elmi rəhbəri M.V.Lomonosov adına MDU-nun professoru Q.E.Şilov olmuşdur. R.V. Hüseynov inteqral və ölçü nəzəriyyəsi, xüsusi törəməli diferensial tənliklər sahəsində bir sıra mühüm nəticələrin müəllifidir.
Rauf Vəli oğlu Hüseynov Azərbaycan elminin inkişafında xidmətlərinə görə 2015-ci ilin noyabr ayında Azərbaycan Respublikası Prezidentinin fərdi təqaüdünə layiq görülmüşdür.
Alim 2019-cu il fevralın 21-də vəfat edib.
53 elmi məqalənin müəllifidir.19 məqaləsi respublikadan kənarda dərc edilmişdir.