Rob Qonsalves

Rob Qonsalves (ing. Rob Gonsalves; d. 1959, Toronto, Kanada) — Kanadalı rəssam.[2]

Rob Qonsalves
ing. Rob Gonsalves
Doğum tarixi
Doğum yeri Kanada Kanada, Toronto
Vəfat tarixi 14 iyun 2017(2017-06-14)[1] (57 yaşında)
Vətəndaşlığı Kanada Kanada
Fəaliyyəti rəssam, illüstrasiyaçı[d]
Janr Sürrealizm
Stillər sürrealizm, magik realizm

Həyatı

[redaktə | mənbəni redaktə et]

Rob Qonsalves 1959-cu ildə Kanadanın Toronto şəhərində qaraçı ailəsində anadan olmuşdur.[2]

Ən böyük arzusu memar olmaq olsa da, uaqlıqdan rəsmə marağı var idi. Salvador Dalinin yaradıcılığı ilə tanış olduqdan sonra isə onun sürrealizmə olan diqqəti daha artır.[2]

Yaradıcılığı

[redaktə | mənbəni redaktə et]

Rob Qonsalves 70-dən çox əl işinin müəllifidir.[2] Onun əsərlərinə dünyanın bir çox aparıcı insanları, hətta senatın özü də biganə qalmamışdır.[2]

İlk mühüm sərgisi 1990-cı ilə Torontoda təşkil olunmuşdur.[2] Müxtəlif zamanlarda Nyu-York və Los-Ancelesdə "Art expo", Las-Veqasda "Dekor" adlı rəsm sərgiləri təşkil olunmuşdur.[2] Bundan əlavə, "Discovery", "Hudson River" və "Laleydeskop" adlı rəsmləri məşhur rəsm qalereyalarında nümayiş etdirilir.[2]

2003-cü ildə "Simon & Schuster" nəşriyyatı tərəfindən onun əsərlərindən ibarət kitab nəşr etdirilmişdir.[2] 2005-ci ildə çapdan çıxan 2-ci belə kitab "Təsəvvürdə bir gün" adlanır.[2] Rəssamın əl işlərinin toplandığı 3-cü kitab "Bu yeri düşünün" adı ilə nəşr olunmuşdur.[2]

Rob Qonsalves həmçinin bir çox teatrların dekorasiyasının müəllifi kimi də tanınır.[2]

Sitatları

[redaktə | mənbəni redaktə et]

Rəsmlərində mümkünsüz təsəvvürləri belə mümkün edəcəyini deyən rəssam belə deyir:

"Sərhədsiz fantaziya hər şeyə qadirdir".[2]
"İncəsənəti sizə elə təqdim edəcəm ki, buludlar, səma və dəniz gözünüzün önündə fərqli formalarda canlanacaq. Sadəcə, bir qədər diqqətli olsanız, mənim sizə demək istədiyimi anlayacaqsınız".[2]

İstinadlar

[redaktə | mənbəni redaktə et]
  1. ↑ http://www.sapergalleries.com/Gonsalves.html.
  2. ↑ 1 2 3 4 5 6 7 8 9 10 11 12 13 14 Dürrə Həsən. İlk baxışdan insanı yanıldan möcüzəli rəsmlər Arxivləşdirilib 2015-02-03 at the Wayback Machine. kult.az, 31.01.2015  (az.)

Xarici keçidlər

[redaktə | mənbəni redaktə et]