Rosa boissieri

Buasye itburnusu (lat. Rosa boissieri) — bitkilər aləminin gülçiçəklilər dəstəsinin gülçiçəyikimilər fəsiləsinin i̇tburnu cinsinə aid bitki növü.

Buasye itburnusu
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Gülçiçəklilər Fəsilə: Gülçiçəyikimilər Yarımfəsilə: Qızılgülkimilər Triba: Roseae Cins: İtburnu Növ: Buasye itburnusu
Beynəlxalq elmi adı
Rosa boissieri
Şəklin VikiAnbarda axtarışı EOL   631630

İlk dəfə İrandan (Lazistandan) təsvir edilmişdir.

Çılpaq, dik duran, darçını rəngdə zoğlara və budaqlara malik, hündürboy koldur. Qopartikan düz və ya bir qədər əyilmişdir, qaidə hissəsi yastılaşmışdır. Yarpaqları 5-7 ədəd, bir qədər qalın ellipsvari və ya enli yumurtavari, bir və ya ikiqat mişardişli, üst tərəfdən keçətüklü, altdan vəzisiz, ağamtıl, tüklü yarpaqcıqlardan ibarətdir. Ləçəkləri iri, ağ və ya çəhrayıdır. Meyvəsi çılpaq, dəyirmi yumurtavaridir. İyul ayında çiçək açır, setyabrda meyvə verir.

İstiyə, soyuğa davamlıdır. Münbit torpaqlarda daha yaxşı bitir.

Böyük Qafqaz (Şəki, Zaqatala) və Naxçıvan MR-da təbii halda rast gəlinir.

Dekorativ bitkidir. Tək və qrup əkinlərində istifadə edilir. Tərkibində efir yağı vardır.