Ruan

Ruan — Fransanın şimalında şəhər və liman. Şəhər Sena çayı sahilində yerləşir və dənizkənarı Sena departamentinin inzibati mərkəzidir. Əhalisi 541 410 (2007) nəfərdir. Ruan XI əsrdən toxuculuq, XVI əsrdən isə manufaktura sənayesi mərkəzi idi. Memarlıq abidələri: Notr-Dam, Sent-Uen, Sen-Maklu kilsələri, Burteruld oteli (1501-1537), Ədliyyə sarayı (1508-1509), ağacdan yaşayış evləri (XVI əsr) və s. Şəhərdə zərif sənətlər və keramika muzeyi var.

Ruan
Rouen
Gerb
49°26′35″ şm. e. 1°06′09″ ş. u.HGYO
Ölkə	Fransa[1]
Tarixi və coğrafiyası
Sahəsi	21,38 km²[2]
Mərkəzin hündürlüyü	10 m, 2 m[3], 152 m[3]
Saat qurşağı	UTC+01:00 UTC+02:00
Əhalisi
Əhalisi	114.083 nəf. (1 yanvar 2021)[4]
Rəqəmsal identifikatorlar
Poçt indeksi	76000[5], 76100[5]
Nəqliyyat kodu	76
Digər
rouen.fr
Xəritəni göstər/gizlə Ruan
Vikianbarda əlaqəli mediafayllar

Ruan qallara məxsus qədim yaşayış məskəninin yerində salınmışdır. E.ə. I əsrdə romalılar, V əsrin sonunda isə franklar şəhəri işğal etmişlər. 911-ci ildə Normandiya hersoqluğunun paytaxtı olmuş, 1150-ci ildə isə özünüidarə hüququ almışdır. 1204-cü ildə Fransaya birləşdirilmişdir. Yüzillik müharibənin gedişində 1419-1449 illərdə ingilislərin hakimiyyəti altına keçmişdir. Janna d'Ark 1431-ci ildə burada mühakimə olunmuş və tonqalda yandırılmışdır. Böyük Fransa inqilabı dövründə Ruanda əksinqilabi qüvvələr cəmləşmişdir. İkinci dünya müharibəsi dövründə böyük dağıntılara məruz qalmış, 1944-cü il avqustun sonunda alman işğalından azad edilmişdir.