Saat pavilyonu

Saat pavilyonu (fr. Pavillon de l'Horloge) —Parisdə yerləşən Luvr sarayının bir hissəsi olmaqla həm də Sülli pavilyonu kimi tanınan tarixi pavilyon. Tikili Karre həyətinin qərb qanadının mərkəzində yerləşir. Hazırda Saat pavilyonu və Sülli pabilyonu adları Karre həyətinin qərb və şər qanadlarındakı iki fərqli pavilyona aid edilir.^[1]

Saat pavilyonu
fr. Pavillon de l'Horloge
48°51′38″ şm. e. 2°20′15″ ş. u.HGYO
Ölkə	Fransa
Şəhər	Paris
Yerləşir	I arondisman
Aidiyyatı	Luvr muzeyi
Memar	Jak Lemersye
Sifarişçi	XIII Lüdovik XIV Lüdovik
Tikilmə tarixi	1624–1654
Fransa tarixi abidələri
İstinad nöm.	PA00085992
Flora pavilyonu
Luvr sarayının planında pavilyon qırmızı ilə göstərilmişdir
Vikianbarda əlaqəli mediafayllar

Saat pavilyonunun inşasına XIII Lüdovikin sifarişi ilə 1624-cü ildə köhnə Lesko qanadının şimal tərəfində başlanılmış, XIV Lüdövikin hakimiyyəti dövrünə təsadüf edən 1654-cü ildə isə inşaat tamamlanmışdır. Məşhur kvadrat formalı günbəzə malik olan tikili parisli memar Jak Lemersye (1585–1654) tərəfindən dizayn edilmişdir.^[2] Pavilyonun adı sonradan onun fasadına quraşdırılmış saatdan (fr. horloge) qaynaqlanmışdır.^[3] Pavilyonun yuxarı hissəsi kariatidalarla bəzədilmiş fasadı Luvr həyətinin qərb tərəfində dominantlıq təşkil edir.

Crédit Lyonnais bankının baş ofis binasının memarlığı Saat pavilyonunun təsiri altında yaradılmışdır.

• 
  Luvr sarayı XIII Lüdovikin hakimiyyəti dövründə
• 
  XVIII əsrin sonlarında Lemersyenin fasadının Fromento küçəsindən görünüşü
• 
  Saat pavilyonunun 1850-ci illərdə görünüşü

1850-ci illərdə tikilinin qərb fasadı Hektor Lefuelin layihəsi əsasında III Napoleon stilində tamamilə yenidən modellənir. Bundan sonra tikili həm də Sülli pavilyonu (Maksimilyen de Betyün Süllinin adı ilə bağlı) adı ilə tanınmağa başlayır.

• Bautier, Geneviève Bresc (1995). The Louvre: An Architectural History. New York: The Vendome Press. ISBN 9780865659636.
• Blunt, Anthony (1960). "Two Unpublished Drawings by Lemercier for the Pavillon de l'Horloge", The Burlington Magazine, vol. 102, no. 691 (October), pp. 446–448. JSTOR 873224
• Blunt, Anthony; Beresford, Richard. Art and architecture in France, 1500-1700. New Haven Connecticut: Yale University Press. 1999. ISBN 0-300-07748-3.
• Gady, Alexandre (2005). Jacques Lemercier, architecte et ingénieur du Roi. Paris: Maison des sciences de l'homme. ISBN 9782735110421.