Salavat Yulayev (klub)

1983-cü il, Torpedo 0 - 6 Salavat Yulayev

«Salavat Yulayev» (başq. «Салауат Юлаев») — Başqırdıstan, Ufa şəhərinin peşəkar buzüstü hokkey klubu. Qitə hokkey liqası iştirakçısı. İki qat Rusiya çempionu (2007/08, 2010/11), Qaqarin Kubokunun sahibi (2010/2011), iki qat Açılış Kuboku sahibi (2008/2009, 2011/2012), və Qitə Kubok çempionu (2009/2010).

Ümumi məlumat

[redaktə | mənbəni redaktə et]

1960-cı ilin oktyabrında Ufa Cihazqayırma Zavodunun rəhbərliyinin göstərişi ilə Salavat Yulayev İdman Klubunda hokkey bölməsi yaradıldı. 1961-ci ilin fevral ayında Salavat Yulayev adına SK-nin hokkey komandası Sverdlovskda keçirilən zona yarışlarında ilk oyununu keçirdi.

1961/1962 mövsümündən əvvəl Çelyabinsk şəhərindən məşqçisi Vladimir Ştyrkov,[1] eləcə də Çelyabinsk və Nijni Novqorod komandalarından oyunçular dəvət edildi. Komandadakı 19 oyunçudan 8-i, 1961-ci ildə fəaliiyəti dayandırılmış 1960/1961 mövsümündə SSRİ-nin «B» çempionatında iştirak edən Ufa klubu «Trud»un keçmiş hokkeyçiləri idi.[2]

25 noyabr 1961-ci ildə Salavat Yulayev Çelyabinskdə SSRİ çempionatının «B» dəstəsində debüt etdi, "Metallurg" a məğlub oldu - 1: 3.[3] İlk beynəlxalq matçları isə Salavat Yulaev 30 və 31 dekabr 1961-ci ildə Ufada Almaniya Demokratik Respublikasından olan «Bismutla» oynadı və hər ikisində qalib gəldi - 5: 3 və 5: 4.

1964-cü ildə SSRİ Hokkey Federasiyası "Salavat Yulayevi" ölkə çempionatına qəbul etdi. "A" dəstəsində ilk oyun "Salavat Yulayev" 15 noyabr 1964-cü ildə Nijni Tagildə yerli "Sputnik"-lə oynadı. 5: 1 hesabı ilə məğlub oldu. "A" dəstəsində ilk qolu müəllifi Bronislav Selivanov idi.

1978-ci ildə Salavat Yulayev ilk dəfə Sovet hokkeyinin yüksək liqasına daxil oldu. Burada ardıcıl 5 mövsüm keçirdi (1978/1979, 1980/1981, 1982/1983, 1985/1986 və 1986/1987). Sovet dövrü üçün ən yüksək nailiyyət 11-ci yer idi. Salavat Yulayev birinci liqada da 4 mövsüm keçirdi (1979/1980, 1981/1982, 1983/1984, 1984/1985). Ən yüksək nailiyyət 2-ci yer idi.

İstinadlar

[redaktə | mənbəni redaktə et]
  1. ↑ "Штырков Владимир Иванович". 2021-05-10 tarixində orijinalından arxivləşdirilib. İstifadə tarixi: 2022-01-06.
  2. ↑ "Сайт болельщиков ХК «Салават Юлаев»". 2018-09-07 tarixində arxivləşdirilib. İstifadə tarixi: 2018-06-06.
  3. ↑ "Фотоальбом. 1960-е". 2018-09-07 tarixində arxivləşdirilib. İstifadə tarixi: 2018-06-12.