Sinopsis

Sinopsis - təhsil, elm və ya incəsənətdə bütöv bir mövzunun qısa icmalı. 19-cu əsrdə ənənəvi qrammatikanın öyrədilməsi üçün istifadə olunan sinif məşqi idi.^[1] Müasir dövrdə sinopsis kitablar, məqalələr, fimlər, televiziya şouları, hətta vdeo oyunları kimi çox müxtəlif məhsullar üçün yazıla bilər.^[2] Sinopsisin əsas məqsədi əsərin mövzusu ilə maraqlanan rejissor və prodüserə ssenari haqqında məlumat verməkdir^[3].

Sinopsis film ssenarisinin giriş, inkişaf və nəticə hissələrini yığcam formada əks etdirir. Ortalama olaraq 1-3 səhifə həcmində olan sinopsisdə dialoqlar yer almır. Sinopsis əksər hallarda ssenari tam hazır olmadan yazılır və loqlayndan daha iri həcmlidir. Sinopsis vasitəsilə ssenari tam oxunmadan hekayə əsas xətləriylə anlaşılır.^[4]

Sinopsis yazmamışdan əvvəl aşağıdakı məsələlər dəqiqləşdirilməlidir:^[5]

• Əsərin janrı (triller, dram, detektiv, komediya, erorik, fantaziya və s.)
• Əsas personajlar
• Əsas sujet xətti
• Əsas kritik məqamlar
• Kulminasiya

Sinopsisdə aşağıdakı məlumatlar yer alır^[6]:

• Sujetin inkişafı
• Əsas "açar" epizodlar
• Baş qəhrəmanlar
• Baş qəhrəmanların düşdüyü dramatik vəziyyətlər
• Onların hərəkəti və bu hərəkətdən sonrakı vəziyyət
• Açılış və kulminasiya
• Süjetin əsas dönüş nöqtələri, əks fikirlər, konfliktin həlli yolları
• Ssenarinin dramatik quruluşu

• Loqlayn

Bu məqalə qaralama halındadır. Lütfən, məqaləni ümumvikipediya və redaktə qaydalarına uyğun şəkildə tərtib edin. Əgər mümkündürsə, daha dəqiq bir şablondan istifadə edin.