Smyrniopsis aucheri

Auxer lələklivəsi (lat. Smyrniopsis aucheri) — bitkilər aləminin çətirçiçəklilər dəstəsinin çətirkimilər fəsiləsinin lələklivə cinsinə aid bitki növü. IUCN Qırmızı Siyahısına görə növün kateqoriyası və statusu "Nəsli kəsilməyə həssas olanlar" kateqoriyasına aiddir –Vu D2. Azərbaycanın nadir növüdür.

Auxer lələklivəsi
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superasterids Klad: Asterids Klad: Campanulids Dəstə: Çətirçiçəklilər Fəsilə: Çətirkimilər Yarımfəsilə: Apioideae Cins: Lələklivə Növ: Auxer lələklivəsi
Beynəlxalq elmi adı
Smyrniopsis aucheri Boiss., 1844
Şəkil axtarışı NCBI   52572

Çoxillik ot bitkisidir. Gövdəsi 1 m hündürlüyündədir. Kökətrafı və gövdə yarpaqları iridir, ikiqat lələkvari bölünmüşdür, ayası yumurtavaridir. Çətirləri 12-15 şüalıdır. Çiçəkləri sarı, ikicinsli və erkəkciklidir. Meyvələri yumurtavari, 6-7 mm uzunluqda, qabarıq qabırğalı və yastı novludur, sütuncuğu uzun və açılmışdır.

Çiçəkləmə iyun, meyvəvermə iyul ayına təsadüf edir. Orta və yuxarı dağ qurşaqlarında quru, daşlı yamaclarda rast gəlinir.

Naxçıvanın dağlıq hissəsi (Şahbuz rayonu — Keçili və Kükü kəndləri).

Populyasiyanın ehtiyatı azdır. Mənfi amillərə həssaslıq göstərir.  

İqlim amillərinin təsiri nəticəsində yaşama ərazisi məhdudlaşır. 

Yayılma yerlərində antropogen təsiri azaltmaq, yasaqlıqların yaradılması, toxum bankında saxlanılması, bərpasının təmin edilməsi, yeni areallarının axtarılması təklif olunur. 

• Smyrniopsis armena Schischk.
• Smyrniopsis aucheri var. involucrata Tamamsch. & Fed.
• Smyrniopsis munzurdaghensis Yıld.