Tənhalıq — bəstəkar Şəfiqə Axundovanın şair Ənvər Çingizoğlunun sözlərinə bəstələdiyi mahnı. Mahnını vaxtı ilə İslam Rzayev və başqaları ifa edib.
| Tənhalıq | |
|---|---|
| İfaçı | İslam Rzayev |
| Dil | Azərbaycan |
| Bəstəkar | Şəfiqə Axundova |
| Sözlərin müəllifləri | Ənvər Çingizoğlu |
Necə vurum başa mən,
Bu sonsuz, qorxunc yolu?
Təkcə necə daşıyım
Ürəyim dərdlə dolu.
Hansı yana üz tutdum,
Hansı yana baş aldım:
Bir quyu tapmadım ki,
Ürəyimi boşaldım.
Qalıb yolayrıcında,
İtirmişəm özümü.
Kimə verim sirrimi,
Kimə deyim sözümü?
Bu vəfasız dünyada,
Vəfalı sirdaş hanı?
Ömrü başa vurmağa
Bir yaxın yoldaş hanı?