Tahir Zülfüqarov
Tahir Zülfüqarov Xıdır oğlu (d. 1930-cu ildə Xaçmaz rayonunun Nərəcan kəndi) — coğrafiya üzrə fəlsəfə doktoru.
| Tahir Zülfüqarov | |
|---|---|
| Tahir Zülfüqarov Xıdır oğlu | |
| Doğum tarixi | |
| Doğum yeri | Nərəcan, Xaçmaz rayonu, Azərbaycan SSR, ZSFSR, SSRİ |
| Vətəndaşlığı |
 SSRİ → Azərbaycan |
| Milliyyəti | azərbaycanlı |
| Atası | Xıdır Zülfüqarov |
| Elmi adı | coğrafiya üzrə fəlsəfə doktoru |
| Təhsili | Azərbaycan Dövlət Universiteti |
Həyatı[redaktə | mənbəni redaktə et]
T.X.Zülfüqarov 1930-cu ildə Xaçmaz rayonunun Nərəcan kəndində anadan olmuşdur. 1951-ci ildə Quba şəhəri ikiillik müəllimlər institutunu coğrafiya-biologiya ixtisası üzrə qurtarmışdır. 1956-cı ildə isə ADU-nın geologiya-coğrafiya fakultəsini coğrafiya ixtisası üzrə bitirmışdır.[1]
Elmi fəaliyyəti[redaktə | mənbəni redaktə et]
- 1958-1960-cı illərdə Azərbaycan Hidrometeorologiya İdarəsinin Xəzər dənizi ekspedisiyasında mühəndis-okeanoloq işləmişdir.
- 1966-cı ildə «Orta Xəzərin qərb hissəsində suyun temperaturunun şaquli paylanması» mövzusunda dissertasiya müdafiə edib coğrafiya elmləri namizədi alimlik dərəcəsi almışdır.
- 1963-1969-cü illərdə Azərbaycan EA Coğrafiya institutunda kiçik elmi işçi, Pirallahı adasındakı Xəzər dəniz elmi-tədqiqat stansiyasının rəisi olmuşdur.
- 1969-cu ildən ADPU-də fiziki coğrafiya kafedrasında baş müəllim, kimi işə başlamışdır və hazırda dosent vəzifəsində işləyir.
Xəzər dənizinin, onun ayrı-ayrı akvatoriyalarının hidrometeorologiyasına dair 40-dan artıq elmi məqalənin müəllifidir. Ali məktəblərdə coğrafiyanın tədrisinə aid metodik proqramların müəllifi və elmi redaktoru olmuşdur. Azərbaycan Sovet ensiklopediyasının 10 cildliyində müəllif kimi iştirak etmişdir və 80-a qədər məqalənin müəllifidir. [2]