Talıb Tale

Talıb Tale (Talıb Ələsgər oğlu Ələsgərov; 16 fevral 1981, Azad, Vardenis rayonu) — Azərbaycan müğənnisi, ifaçı, söz yazarı, bəstəkar və rejissor.

Talıb Tale
Ümumi məlumatlar
Ləqəbi Tale
Doğum tarixi 16 fevral 1981(1981-02-16) (43 yaş)
Doğum yeri
Vətəndaşlığı
Musiqiçi məlumatları
Fəaliyyəti müğənni

Həyatı

[redaktə | mənbəni redaktə et]

Talıb Tale 1981-ci il 16 fevralda Göyçə mahalının Ağkilsə kəndində, Aşıq Ələsgərin ocağında dünyaya göz açıb. Ailədə dörd uşaqdırlar. Talıb ailənin 3-cü övladıdır.[1]

Azərbaycanlıların Ermənistandan köçürülməsi nəticəsində 1988-ci ildə doğulduğu kənddən ailəsi ilə birlikdə Göygöl rayonuna köçmüşdür.

Təhsili

[redaktə | mənbəni redaktə et]

Göygöl rayonundakı Səməd Vurğun adına 3 nömrəli orta məktəbə daxil olmuş və əla qiymətlərlə orta məktəbi bitirmişdir. Ali təhsilini isə Bakı Dövlət Universitetinin Sosial elmlər və psixologiya fakültəsində almışdır.

1997-1998-ci illərdə Gəncə şəhərindəki "Araz" hazırlıq kursunu bitirmişdir.

Musiqiçilik fəaliyyəti

[redaktə | mənbəni redaktə et]

Talıb Tale sazda ifa etməyi bacarır. Aşıq Ələsgərin "Tellərin" şeirinə yeni aranjımanda musiqi bəstələyib və ifa edib. Talıbın oxuduğu bəzi mahnıların söz və musiqiləri özünə aiddir.[1]

Təltif və mükafatları

[redaktə | mənbəni redaktə et]

1998-ci ildə "Yeniyetmələr arasında keçirilən kinqboksinq üzrə respublika çempionatı"nda birinci yerə layiq görülmüşdür.

2017-ci ilin oktyabr ayında keçirilən "Maşın" realiti-şousunun 15-ci "sürəti"ndə qalib olmuşdur.

Ailəsi

[redaktə | mənbəni redaktə et]

Talıb Tale subaydır. İslam Ələsgərin nəvəsi, Aşıq Talıbın nəticəsi, Aşıq Ələsgərin kötücəsidir.[1]

İstinadlar

[redaktə | mənbəni redaktə et]
  1. ↑ 1 2 3 Savalan Talıblı. "Talıb Tale illər öncə gələcəkdə baş verəcək hadisəni söyləyib. İfaçının əmisiylə müsahibə" (az.). analoq.az. 25.10.2017. 2017-10-26 tarixində arxivləşdirilib. İstifadə tarixi: 2017-10-26.