Tallin Universiteti

Tallin Universiteti (est. Tallinna Ülikool – TLÜ) — Estoniyanın paytaxtı Tallin şəhərində yerləşən ali təhsil müəssisəsi; ölkənin üç ən qabaqcıl ali təhsil ocaqlarından biridir.

Tallin Universiteti
Əsası qoyulub	18 mart 2005
Tip	dövlət universiteti
Rektor	Tiyt Land
Tələbə sayı	10,016 (2014)
Müəllim sayı	1,200
Şəhər	Tallin
Ölkə	Estoniya[1]
Ünvan	Estoniya, Tallin, Narva mnt 25, 10120 Tallinn
Sayt	tlu.ee tlu.ee/en/ru tlu.ee/en
Vikianbarda əlaqəli mediafayllar

Tallin Universiteti 18 mart 2005-ci ildə bir sıra ali məktəb və araşdırma institutunun birləşməsi nəticəsində yaradılmışdır. Həmin qurumlar bunlar idi:

• Estoniya Akademik Kitabxanası (1946);
• Baltik Film və Media Məktəbi (1992/1997);
• Estoniya Humanitar İnstitutu (1988);
• Tarix İnstitutu (1946);
• Tallin Pedaqoji Universiteti (1919/1952/1992).

Hazırda ölkənin ən sürətli böyüyən universiteti olmaqla sosial elmlər və bəşəri elmlərdə yüksək, fənn və təbiət elmlərində isə sürətlə inkişaf edən ali məktəbdir.

• Baltik Film, Media, İncəsənət və Kommunikasiya Məktəbi
• Rəqəmsal Texnologiyalar Məktəbi
• Təhsil Elmləri Məktəbi
• İdarəetmə, Hüquq və Cəmiyyət Məktəbi
• Humanitar Məktəb
• Təbii Elmləri və Səhiyyə Məktəbi

• Haapsalu Kolleci
• Rakvere Kolleci

Universitetin zəngin kitabxana fondu var. Əsas kitabxanası 1946-cı ilin aprel ayında Estoniya SSR Elmlər Akademiyasının Mərkəzi Kitabxanası kimi fəaliyyətə başlamışdır. 2003-cü ildən milli kitabxana statusu daşımışdır. Əsas kitabxanası 2005-ci ildən – Tallin Universitetinin yaradılmasından sonra belə adlanır: Tallin Universitetinin Akademik Kitabxanası^[2].

Kitabxana fondu 2,5 milyon nüsxədən ibarətdir. Ən qədim kolleksiyası XVI əsrə aiddir.

Tallin Universitetinin əsas kampus binalarına latınca adlar verilmişdir^[3]:

• Terra (azərb. Yer‎);
• Nova (azərb. Yeni‎);
• Mare (azərb. Dəniz‎);
• Astra (azərb. Ulduz‎);
• Silva (azərb. Meşə‎);
• Ursa (azərb. Ayı‎).

Universitetin ilk rektoru Mati Heydmets olmuşdur. 2011-ci ilin fevral ayında bu vəzifəyə Tiyt Land seçilmişdir.

• 
  Akademik kitabxanası
• 
• 

	"Universitet" portalı

• Estoniyada ali təhsil

• tlu.ee — Rəsmi saytı