Tbilisi İdman Sarayı
Tbilisi İdman Sarayı (gürc. თბილისის სპორტის სასახლე) — basketbol, həndbol, cüdo, tennis, boks idman yarışlarına və müxtəlif konsertlərə ev sahibliyi edən Tbilisi şəhərindəki qapalı arena. İdman sarayı 26 May Meydanında yerləşir. Gürcüstanın paytaxtında bununla yanaşı Tbilisi Dövlət Universiteti yaxınlığında, 2015 -ci ildə açılmış başqa bir İdman Sarayı vardır[1]. Diqomi rayonunda üçüncü idman sarayının tikisi aparılır. Mətbuatdada onun adı "İdman Sarayı" olaraq keçir[2].
| Tbilisi İdman Sarayı | |
|---|---|
 | |
 | |
| Tam adı | Tbilisi İdman Sarayı |
| Yeri |
Tbilisi,  Gürcüstan |
| Tikilib | 12 may 1961 |
| Tamaşaçı tutumu | 9700 nəfər |
| Ev sahibi komanda | Gürcüstan milli basketbol komandası |
| Rəsmi saytı | |
 Vikianbarda əlaqəli mediafayllar | |
Tarix
[redaktə | mənbəni redaktə et]Arena 1961 -ci ildə memar Vladimir Aleksi-Mesxişvili və köməkçiləri - Yuri Kasradze, Temo Japaridze və David Kajayın layihəsi ilə inşa edilmişdir. Arena açıldıqdan sonra "Dinamo" basketbol klubu öz oyunlarını keçirmişdir. Gürcüstan millisi də arenada oynayır. İdman Sarayı keçmiş SSRİ ölkələri ərazisində ən böyük basketbol sarayıdır[3].
Arena Tbilisi Bələdiyyə Başçısı Gigi Uqulavanın göstərişi ilə iki mərhələdə yenidən qurulur. Yenidənqurma zamanı oyun meydançası əvvəlcə genişləndirilir, sonra dam örtüyü dəyişdirilir və yeni fərdi plastik oturacaqlar quraşdırılır. Yenidənqurmanın dəyəri təxminən 5 milyon ABŞ dolları olur. 22 avqust 2007-ci ildə arenanın yenidən qurulmasından sonra açılışı olur. Arenanın idarə edilməsi Logic Group Ltd şirkətinə həvalə edilir. Müqavilə 30 il müddətinə imzalanmışdır.
İdman fəaliyyətləri
[redaktə | mənbəni redaktə et]Basketbol
[redaktə | mənbəni redaktə et]2016-cı ilin yanvar-aprel aylarında Vita klubu VTB Birləşmiş Liqası çərçivəsində burada oyunlarını keçirir. Onlar 9 görüş keçirir, ancaq cəmi bir qələbə qazanırlar. 6 martda Yeniseylə oyunda rekord nəticə (800 nəfər) baş verir. 2021 -ci ildə arenada basketbol üzrə Avropa çempionatının oyunları keçiriləcək.
Boks
[redaktə | mənbəni redaktə et]Ağır çəkili boksçu Vladimir Çanturiya burada iki döyüş keçirmişdir: 28 oktyabr 2006 -cı ildə İmeda Sibaşvilini nokautla məğlub etmiş və 8 fevral 2007-ci ildə yekdilliklə Paata Berikaşviliyə qalib gəlmişdir.
Güləş
[redaktə | mənbəni redaktə et]19-24 mart 2013-cü il tarixlərində burada güləş üzrə Avropa çempionatı keçirilmişdir.
Mini futbol
[redaktə | mənbəni redaktə et]2002/2003 mövsümündə burada İberia-Star klubunun iştirakı ilə UEFA Kubokunun birinci təsnifat mərhələsinin mini turniri (ikinci heç-heçə) keçirilir. 2011/2012 mövsümündə qrup mərhələsinin əsas turunun 3-cü qrupunun komandaları burada oynayır: Cenevrə ilə oyuna 4500 adam gəlir. Elə həmin ilin oktyabr ayında burada Dünya Kubokunun Avropa ilkin mərhələsinin mini turnirinin oyunları keçirilir. 2012 -ci ilin oktyabr ayında, 2012/2013 UEFA Kuboku mövsümündə, komanda burada bir neçə matç keçirdi, elit raundu qazandı və 5.000 nəfər qarşısında Benfikanı məğlub edir.
2017-ci ilin aprel ayında futzal üzrə 2018 Avropa çempionatının seçmə turnirinin mərhələlərindən biri burada baş tutur. Qrupda Belarus, Gürcüstan, İtaliya və Hollandiya komandaları mübarizə aparır. Turnirdəki vəsiqəni İtaliya millisi qazanır.
Konsertlər
[redaktə | mənbəni redaktə et]İen Gillan (1990, beş konsert), Alla Puqaçova və Lela Tsurtsumiya Tbilisi İdman Sarayında konsertlər vermişlər. 22 may 2002-ci ildə Tsurtsumiya konserti üçün saraya 25 min adam gəlsə də 18 min bilet satılmışdır.
26 noyabr 2017-ci ildə Junior Eurovision 2017 Mahnı Müsabiqəsi burada keçirilməli idi[4], lakin tədbir Olimpiya Sarayında baş tutur[5].
İstinadlar
[redaktə | mənbəni redaktə et]- ↑ В Тбилиси открылся новый Дворец спорта Arxivləşdirilib 2020-10-01 at the Wayback Machine (rus.)
- ↑ В Тбилиси построят новый Дворец спорта (rus.)
- ↑ "History of Dinamo Tbilisi" (ingilis). БК «Динамо». 2007-09-29 tarixində arxivləşdirilib.
- ↑ "Junior Eurovision 2017 to take place on 26th November!". Европейский вещательный союз. 2017-03-16. 2017-05-19 tarixində arxivləşdirilib. İstifadə tarixi: 2017-03-16.
- ↑ Paul Jordan. "16 Countries to dazzle on stage in Tbilisi in 2017!". junioreurovision.tv. Европейский вещательный союз. 2017-08-09. 2017-08-09 tarixində arxivləşdirilib. İstifadə tarixi: 2017-08-09.