Tibo Kurtua

Tibo Nikolya Mark Kurtua (11 may 1992^[2][3]) — İspaniya və dünya futbol tarixinin ən titullu klublarından biri, La Liqa klublarından olan Real Madriddə və Belçika millisində qapıçı mövqeyində çıxış edən Belçikalı peşəkar futbolçudur.

Tibo Kurtua
fr. Thibaut Nicolas Marc Courtois
Kurtua Belçika millisi ilə DÇ-2018də
Ümumi məlumatlar
Tam adı	Tibo Nikolya Mark Kurtua
Ləqəbi	The Wall[1]
Doğum tarixi	11 may 1992 (32 yaş)
Doğum yeri	Bree, Flandriya, Belçika
Vətəndaşlığı	Belçika
Boyu	199
Çəkisi	96 kq
Mövqeyi	Qapıçı
Əsas ayağı	sol
Klub haqqında məlumat
Klub	Real Madrid
Nömrəsi	1
Karyerası
Gənclik karyerası 1997—1999 Bilzen 1999—2009 Genk Klub karyerası[* 1] 2009—2011 Genk 41 (0) 2011—2018 Çelsi 126 (0) 2011—2014 →  Atletiko Madrid 111 (0) 2018—... Real Madrid 61 (0) Milli yığma[* 2] 2009—2010 Belçika U-18 4 (0) 2011—... Belçika 79 (0)
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarda əlaqəli mediafayllar

Kurtua Genk klubunun futbol akademiyasını bitirib və artıq 18 yaşında komandasının Belçika çempionluğunu qazanmasında əsas rol oynadı. 2011-ci ilin iyul ayında 8 milyon funt sterlinq qarşılığında Çelsiyə transfer olundu və elə həmin il oyun praktikası toplaması üçün dərhal Atletiko Madridə icarəyə verildi. Buradakı üç mövsümdə 2012-ci ildə UEFA Avropa Liqasını, 2013-cü ildə Copa del Reyi və 2014-cü ildə İspaniya çempionluğunu qazandı. Son iki mövsümdəki göstəricilərinə görə La Liqada ən yaxşı qapıçıya verilən Rikardo Zamora mükafatını qazandı.

Kurtua 2014-cü ilin iyulunda Çelsiyə qayıtdı və komandasına ilk mövsümündə Liqa Kubokunu və Premyer Liqa çempionluğunu qazanmalarında kömək etdi. İki il sonra Çelsinin yenidən liqanı qazanmasındakı uğurlarına görə Premyer Liqanın Qızıl Əlcəyi mükafatını qazandı.

2018-ci ildə İspaniya nəhəngi Real Madrid Kurtuanı 35 milyon funt-sterlinqə transfer etdi və Atletiko Madridin transfer etdiyi Yan Oblakın transfer məbləğini üstələyərək La Liqanın ən bahalı qapıçısı oldu. 2019-2020 sezonunda ikinci dəfə La Liqa çempionluğunu və üçüncü Zamora mükafatını qazandı.

Tibo Kurtua beynəlxalq səviyyəli debütünü 2011-ci ilin oktyabrında etdi və Belçika millisini təmsil edən ən gənc qapıçı oldu. O vaxtdan bəri millinin heyətində 70-dən çox oyunda - 2014 FİFA Dünya Kubokunda, UEFA Avro 2016da və son olaraq 2018 FİFA Dünya Kubokunda meydana çıxdı, sonuncu - Belçika millisinin 3-cü yeri tutduğu turnirdə turnirin ən yaxşı qapıçısı olaraq FİFA Dünya Kubokunun Qızıl Əlcək mükafatına layiq görüldü.

Kurtua Belçikanın tarixi Flandriya bölgəsinin Bree şəhərində anadan olub, atası Belçikanın yerliləri sayılan, roman etnik qrupu olan valonlardan, anası isə flamand qadın idi. Futbolçu karyerasına yerli Bilzen klubunda sol cinah müdafiəçisi başlamışdır. Qısa müddət sonra - 1999-cu ildə yeddi yaşında Genkə qatıldı və yeni klubunda artıq qapıçı olaraq meydana çıxmağa başladı.

Kurtua əvvəlcə Kun Kastelsin əsas qapıçı olaraq qəbul edildiyi Genkin aşağı yaş qrupunda irəliləmişdi, ancaq 16 yaşında 341 günlüyündə aldığı zədədən sonra o, nəhayət 17 aprel 2009-da ilk oyununu Gentə qarşı keçirdi. Kastelsin Bundesliqa təmsilçisi Hoffenhaym 1899a transferindən imtina edildikdən sonra, digər qapıçı Laslo Kyoteleşin qeydiyyatında problem yaşandığı üçün Kurtua Kastelsdən əvvəl 2010-11 mövsümü üçün ilk seçim qapıçısı oldu.

O, Belçika Pro Liqasında 2010-11 mövsümündə Genkin çempionluq zəfəri zamanı komanda üçün əsas fiqur idi. Belçika Pro Liqasında ilin qapıçısı və Genkin heyətində ilin oyunçusu mükafatını aldı, 40 liqa matçı boyunca yalnız 32 qol buraxdı və Genkdə qol buraxmadan - 14 quru oyun keçirdi.

2011-ci ilin iyul ayında Kurtua 5 illik bir müqavilə imzalayaraq 9 milyon avro qarşılığında İngiltərə Premyer Liqası klublarından Çelsiyə transfer oldu.

Çelsiyə qatıldıqdan bir neçə həftə sonra Kurtua Atletiko Madridə icarəyə göndərildi. Atletiko tərəfindən ona əvvəllər Mançester Yunaytedə keçən David de Xeanın geyindiyi 13 nömrəli forma verildi.

1. ↑ https://www.youtube.com/watch?v=V2ENsUf5Tk8.
2. ↑ Thibaut Courtois // Transfermarkt (çd.). 2000.
3. ↑ Thibaut Courtois // FBref (çd.).