Toyo Yamavaki

Toyo Yamavaki (yap. 山脇東洋; 1 fevral 1706, Kameoka[d], Kioto prefekturası – 25 sentyabr 1762) – Yaponiyada meyit yaran ilk şəxs. Qərb tibbinin Yaponiyada tanıdılmasında vacib rol oynamışdır.[1] Anatom, şair, həkim və müəllim olmuşdur.[2]

Toyo Yamavaki
yap. 山脇 東洋
Doğum tarixi 1 fevral 1706(1706-02-01)
Doğum yeri
Vəfat tarixi 25 sentyabr 1762(1762-09-25) (56 yaşında)
Fəaliyyəti həkim, anatomiyaçı
Vikianbarın loqosu Vikianbarda əlaqəli mediafayllar
"Orqanlar kitabı" adlı əsərindən (1754) illüstrasiya.

Yamavaki Kiotoda saray həkimi kimi işləmişdir[3] və Kohoha məktəbinin üzvü olmuşdur. Müəllimi Qoto Konzan olmuşdur. 1754-cü ildə rəsmilərdən icazə alaraq Rokkaku həbsxanasında[1] edam olunmuş bir şəxsin meytini yarmışdır. O, Qərb tibbi kitablarından yararlanaraq "Orqanlar kitabı" ("Zoşi") adlı kitabında düzgün anatomik detalları təsvir etmiş, ənənəvi Çin tibbindəki səhvləri ortaya çıxarmışdır.[3] Kitabı Kiotodakı Maruyama və ya Şico məktəbinin rəssamı olan Asanuma Suketsune tərəfindən illüstrasiya olunmuşdur.[3] Kitab Tokuqava tibb dünyasında şoka səbəb olmuş, Yamavaki təzyiqlərə məruz qalmışdır.[4]

Yamavaki və həmkarları meyityaramaya Padua Universitetinin professoru Yohan Veslinq tərəfindən holland dilində yazılmış "Syntagma Anatomicum" adlı anatomiya kitabı gətirmişdilər[5] və onlar kitabdakı diaqramların meyitin orqanları ilə üst-üstə düşdüyünü gördükdə xeyli təəccüblənmişdilər.

Yamavakinin şagirdi olan Kuriyama Koan Haqidə iki dəfə meyit yarmışdır.[4] 1771-ci ildə Qenpaku Suqita və Ryotaku Maeno da Yamavakidən təsirlənərək meyit yarmışdırlar.[6]

İstinadlar

[redaktə | mənbəni redaktə et]
  1. ↑ 1 2 "Healt Care in Japan". Google Books (ingiliscə). İstifadə tarixi: 31 iyul 2019.
  2. ↑ "Japanese Thought in the Tokugawa Era". Google Books (ingiliscə). İstifadə tarixi: 31 iyul 2019.
  3. ↑ 1 2 3 "TOYO, Tamawaki (1705-1762). Zôshi [Notes on the Viscera]. Kyoto: Horeki 9, 1759". Christies (ingiliscə). 2020-10-29 tarixində arxivləşdirilib. İstifadə tarixi: 28 iyul 2019.
  4. ↑ 1 2 "Modern Japanese Thought". Google Books. İstifadə tarixi: 28 iyul 2019.
  5. ↑ "History of Anatomy". Google Books (ingiliscə). İstifadə tarixi: 31 iyul 2019.
  6. ↑ "History of Forensic Medicine". Google Books. İstifadə tarixi: 31 iyul 2019.