Uzaqdan gələn yağış (roman)

Uzaqdan gələn yağış — Varisin romanı.

Uzaqdan gələn yağış
Romanın 2017-ci il nəşrinin üz qabığı
Müəllif	Varis
Janr	Roman
Orijinalın dili	Azərbaycanca
Ölkələr	Azərbaycan
Orijinalın nəşr ili	2017
Nəşriyyat	TEAS Press (2017)
Cild	Yumşaq
Səhifə	224
Tiraj	1000
ISBN	ISBN 978-9952-5206-44

Yazıçı Varisin "Uzaqdan gələn yağış" romanı müxtəlif dövrlərdə yaşamış gənclərin nakam məhəbbətindən bəhs edir.

Xəbərdarlıq: Yazının davamı əsərin məzmunu haqqında məlumat ehtiva edir.

İmkanlı bir ailənin gözünün ağı-qarası olan 11-ci sinif şagirdi Ayla təsadüfən metroda unudulmuş bir şeir dəftəri tapır. Şeirlər o qədər xoşuna gəlir ki, gedib onların müəllifi ilə - kənddən Bakıya güzəran qurmağa gəlmiş İsmayıl adlı, şair təbiətli kasıb gənclə tanış olur. Amma bu adi tanışlıq çılğın bir sevgi macərasına çevrilir, sonradan onların üzləşdiyi müsibət isə hər kəsi sarsıdır.

Ən sevimli şagirdi olan Aylanın başına gələnlər Rəhilə xanımı daha çox dəhşətə gətirir. O, Ayla ilə İsmayılın taleyində bütün sevən gənclərin taleyinə təhlükə duyur. Rəhilə xanım zahirən xoşbəxt qadındır. Gözəl ailəsi, uşaqları, yaxşı işi var, çalışdığı məktəbdə hamı tərəfindən sevilir. Amma bu qadının heç kimlə bölüşmədiyi, içində ağır yük kimi gəzdirdiyi bir dərdi var - o, uğursuz ilk məhəbbətini hələ də unuda bilmir. Ona görə də çalışır ki, şagirdlərinə, illah da qızlara sevgi məsələsində düzgün yol göstərsin, onları mümkün yanlış addımlardan çəkindirsin. İstəyir ki, valideynlərə təsir edə bilsin, onların övladları da mələk kimi məsum Aylanın qandonduran nakam taleyini yaşamasın...

Kitab geniş oxucu kütləsi üçün nəzərdə tutulub.

Xəbərdarlığın sonu.

Roman 2017-ci ildə TEAS Press Nəşriyyat Evində 224 səhifə, 1000 tirajla çap edilib.^[1]

• Sonuncu ölən ümidlərdir

• Goodreads-də Uzaqdan gələn yağış
• "Varisin 11-ci kitabı: "Uzaqdan gələn yağış"" ( (az.)). APA TV. 2020-06-26 tarixində orijinalından arxivləşdirilib. İstifadə tarixi: 2018-02-17.
• Uzaqdan gələn yağış Arxivləşdirilib 2020-06-25 at the Wayback Machine