Vüqar Əliyev (sədr)

Vikipediyada bu soyadlı müxtəlif adamlar haqqında məqalələr var, bax: Əliyev.

Vüqar Əliyev (azərb. Əliyev Vüqar Əliheydər oğlu‎; 1980, Bakı) — Azərbaycan Dövlət İnformasiya Agentliyinin (AZƏRTAC-ın) İdarə Heyətinin sədri[1]

Vüqar Əliyev
Vüqar Əliheydər oğlu Əliyev
Doğum tarixi (43 yaş)
Doğum yeri Azərbaycan, Bakı
Vətəndaşlığı SSRİ SSRİ→
Azərbaycan Azərbaycan
Milliyyəti azərbaycanlı
İxtisası Filologiya
Təhsili Azərbaycan Dillər Universiteti, Moskva Dövlət Linqvistika Universiteti
Fəaliyyəti jurnalistika

Həyatı

[redaktə | mənbəni redaktə et]

Vüqar Əliyev 1980-ci il noyabrın 27-də Bakıda anadan olub.

2001-ci ildə Azərbaycan Dillər Universitetinin ingilis dili fakültəsini bitirib.

2001-2002-ci illərdə həqiqi hərbi xidmətdə olub.

“2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində 2010-2012-ci illərdə Moskva Dövlət Linqvistika Universitetində[ru] jurnalistika ixtisası üzrə təhsil alıb.

2007-2017-ci illərdə Azərbaycan Dövlət İnformasiya Agentliyində (AZƏRTAC) ingilis dili üzrə tərcüməçi və tərcümə redaktoru vəzifələrində işləyib.

2017-2019-cu illərdə siyasət xəbərləri redaksiyasında bölmə müdiri vəzifəsində çalışıb. Bu illərdə Prezident İlham Əliyevin və Birinci vitse-prezident Mehriban Əliyevanın xarici səfərlərinin və iştirak etdikləri tədbirlərin işıqlandırılmasında iştirak edib.

2019-2022-ci illərdə Prezident Administrasiyasında Birinci vitse-prezidentin Katibliyində çalışıb.

2022-ci il noyabrın 28-də Azərbaycan Respublikası Prezidentinin Sərəncamı ilə Azərbaycan Dövlət İnformasiya Agentliyinin (AZƏRTAC-ın) İdarə Heyətinin sədri təyin olunub.[2]

Asiya və Sakit Okean Ölkələri İnformasiya Agentlikləri Təşkilatının (OANA) vitse-prezidentidir.[3]

İslam Əməkdaşlıq Təşkilatının Milli Xəbər Agentlikləri Birliyinin (UNA) İcraiyyə Şurasının üzvüdür.

Azərbaycan Respublikasının Əsir və itkin düşmüş, girov götürülmüş vətəndaşlarla əlaqədar Dövlət Komissiyasının üzvüdür.[4]

2023-cü ilin sentyabrında “Bir kəmər, bir yol İqtisadi İnformasiya Tərəfdaşlığı platformasının Rəyasət Heyətinin üzvü seçilib.[5]

Ailəlidir, üç qız övladı var.

Təltifləri

[redaktə | mənbəni redaktə et]
  • “Azərbaycan Respublikası Prezidentinin təhlükəsizliyini təmin edən orqanın 30 illiyi (1993-2023)” yubiley medalı (2023)
  • “Azərbaycan Respublikasının xüsusi rabitə və informasiya təhlükəsizliyi orqanının 30 illiyi (1993-2023) yubiley medalı (2023)
  • "Heydər Əliyevin 100 illiyi (1923-2023)" yubiley medalı (2024)


İstinadlar

[redaktə | mənbəni redaktə et]
  1. ↑ "Prezident Vüqar Əliyevi AZƏRTAC-ın İdarə Heyətinin sədri təyin edib". 2022-11-28 tarixində arxivləşdirilib. İstifadə tarixi: 2022-11-28.
  2. ↑ V.Ə.Əliyevin Azərbaycan Dövlət İnformasiya Agentliyinin (AZƏRTAC-ın) İdarə Heyətinin sədri təyin edilməsi haqqında Azərbaycan Respublikası Prezidentinin Sərəncamı
  3. ↑ "OANA Executive Board". 2024-01-11 tarixində arxivləşdirilib. İstifadə tarixi: 2024-04-16.
  4. ↑ "Komissiya üzvləri". 2023-03-24 tarixində arxivləşdirilib. İstifadə tarixi: 2024-04-16.
  5. ↑ AZƏRTAC “Bir kəmər, bir yol” İqtisadi İnformasiya Tərəfdaşlığı platformasının Rəyasət Heyətinin üzvü seçilib