Valentin Mirinov

Mirinov Valentin Akimoviç (28 oktyabr 1923, Lısoqorsk rayonu^[d] – 10 dekabr 1989, Bakı) — Sovet İttifaqı Qəhrəmanı.

Valentin Mirinov
Mirinov Valentin Akimoviç
Şəxsi məlumatlar
Doğum tarixi	28 oktyabr 1923
Doğum yeri	Rusiya
Vəfat tarixi	1989
Vəfat yeri	Bakı
Dəfn yeri	Fəxri Xiyaban
Milliyyəti	rus
Təhsili	Azərbaycan Tibb Universiteti
Hərbi fəaliyyəti
Mənsubiyyəti	Sovet Sosialist Respublikaları İttifaqı
Rütbəsi	podpolkovnik[d]
Döyüşlər	Böyük Vətən müharibəsi
Təltifləri

Rusiya Fedorasiyasının Saratov vilayətinin Lısoqorsk rayonunun Uritsk kəndində 28 oktyabr 1923-cü ildə dünyaya göz açmış Valentin uşaq ikən öz valideynləri ilə Bakıya gəlmiş və onun uşaqlıq və gənclik dövrü burada keçmişdir.

1941-ci ildə Binəqədi RHK-dan könüllü olaraq orduda xidmətə getmiş və hərbi məktəbə göndərilmişdir. Leytenant Valentin Akimoviç 417-ci atıcı diviziyanın 1376-cı atıcı alayının bölmə komandiri olmuşdur^[1].

Müharibə qurtardıqdan sonra V.Mironov Bakıya qayıtmış və burada Tibb institutuna qəbul olaraq hərbi həkim peşəsinə yiyələnmişdir^[2].

Pulemyotçular dəstəsinin komandiri kiçik leytenant V.Mironovun cəbhə həyatı 1943-cü ilin oktyabrında Şimali Qafqazdan başlamışdır.

Sonrakı illərdə onun döyüş yolu Ukrayna, Krım və Pribaltikadan keçmişdir.

Cəsur rota komandiri leytenant V.Mironovun ən ağır döyüşü Sapun-Qarada oldu. Bu döyüşdə rotadan yalnız iki nəfər sağ qalmışdı: komandir və bakılı döyüşçü Seyfulla İsmayılov. Hərbi tapşırıq böyük qəhrəmanlıqla yerinə yetirilmişdi və Sevastopol azad edildi^[2].

SSRİ Ali Soveti Rəyasət Heyətinin 16 may 1944-cü il tarixli Fərmanı ilə Sovet İttifaqı Qəhrəmanı adına layiq görülmüşdür^[1].