Vaporetto

Vaporetto ( it. Vaporetto) - çay tramvayı, marşrut teploxodu, Venesiyanın ada hissəsindəki ictimai nəqliyyatın əsas formasıdır. Vaporetto, ACTV (Azienda Consorzio Trasporti Venezia - Venesiya nəqliyyat konsorsiumu şirkəti) tərəfindən idarə olunur.

Venesiyanın adalarda yerləşən hissəsi, materik hissəsi olan Mestre ilə dəmiryolu-avtomobil körpüsü vasitəsi ilə birləşir ^[1]. Venesiya və Mestre arasında əlaqə avtobus və şəhərətrafı elektroqatarlar ilə də saxlanılır. Lakin, nə avtobuslar, nə də şəxsi avtonəqliyyat Venesiyanın kənarında olan Roma meydanından (Piazzale Roma) uzağa gedə bilmirlər. Bütün ada ərazisi piyada zona hesab edilir. Daşınma ancaq su ilə edilir və yeganə ictimati nəqliyyat vasitəsi teploxod-vaporettolar hesab edilir.

Vaporetto qismində, Böyük Kanal boyu, Rialto adası ətrafında, Murano, Burano, Lido adalarına, San Mikele adasındakı qəbiristanlığa və digər obyektlərə olan marşrutlar üzrə hərəkət edə bir neçə növ teploxodlardan istifadə olunur .

Marşrutlar[redaktə | mənbəni redaktə et]

Şəhərdə istiqamətdən asılı olaraq tənzimlənən bir neçə marşrut kateqoriyası mövcuddur. Hər kateqoriyanın həm ekspres, həm də adi marşrutları var. Vaporettoların əksəriyyəti dairəvi xətt üzrə olan marşrutla hərəkət edir.

• Böyük Kanal boyu hərəkət edən 1, 2 (ekspres), N (gecə) marşrutları.
• Venesiyanın ada hissəsinin ətrafında və Karnecco kanalı boyu hərəkət edən 41/42, 51/52, 61/62 (ekspres) marşrutları.
• 13, 20, LN (Laguna Nord), DM (Diretto Murano, ekspress) marşrutları, əsas dəyişmə nöqtələri ilə Laquna adalarını və Lidonu birləşdirir.
• 3, 4, 5 (hamısı ekspres) marşrutları, şəhər mərkəzini və Murano adasını bir-biri ilə, dəmir yolu stansiyası və avtovağzal ilə birləşdirir.

Marşrutların sxeimlərini, müəyyən marşrutlar üçün dayanacaqların olub-olmamasını və hərəkət cədvəlini xatırlamaq olduqca çətindir, amma hər pirsdə hər bir marşrut üçün ətraflı nişanlar var.

Qeydlər[redaktə | mənbəni redaktə et]