Vasili Bakşeyev

Vasili Nikolayeviç Bakşeyev (rus. Васи́лий Никола́евич Бакше́ев) — sovet rəssamı. Peterburq Rəssamlıq Akademiyasının akademiki (1913). SSRİ Rəssamlıq Akademiyasının həqiqi üzvü (1947). SSRİ xalq rəssamı (1956).

Vasili Bakşeyev
rus. Бакшеев, Василий Николаевич
Doğum tarixi	24 dekabr 1862
Doğum yeri	Moskva, Rusiya imperiyası
Vəfat tarixi	28 sentyabr 1958 (95 yaşında)
Vəfat yeri	Moskva, SSRİ
Dəfn yeri	Novodeviçye qəbiristanlığı
Milliyyəti	rus
Vətəndaşlığı	Rusiya imperiyası SSRİ
Fəaliyyəti	rəssam
Təhsili	Moskva boyakarlıq, heykəltəraşlıq və memarlıq məktəbi
Janr	peyzaj
Stillər	realizm, sosialist realizmi
Mükafatları
Vikianbarda əlaqəli mediafayllar

Vasili Bakşeyev 24 dekabr 1862-ci ildə Moskvada anadan olmuşdur. 1877—1888-ci illərdə A.K.Savrasov, V.D.Polenov və başqalarından dərs almışdır. Realist rəssamlar Birliyinin (1927—1931) təşkilatçılarından olmuşdur. Erkən yaradıcılığı son peredvijnikçilik ənənələri ilə bağlı idi. ("Gündəlik həyat" 1892—1893, "Evə qayıtma" 1898; hər ikisi Tretyakov qalereyasındadır). Vasili Bakşeyevin əsərlərinə əzəli lirik əhvali-ruhiyyə xasdır. ("Göyərçinlərə dən verən qız" (1887). Onlardakı bədiilik bir çox hallarda Polenovdan mənimsənilmiş plener vərdişləri ilə şərtləndirilir. Bu, bütün həyatı boyu onun yaradıcılığının əsas janrı olmuş peyzajda özünü daha qabarıq büruzə verir. ("Payız şəfəqləri", 1916, "Mavi bahar", 1930, "Tutqun səhər", 1945). Bakşeyevin "Moskva ətrafında" (1933) və "Yay günü" (1948) tabloları Azərbaycan Milli İncəsənət Muzeyində saxlanılır.

• Azərbaycan Milli Ensiklopediyası. 3-cü cild. Bakı, 2011. səh 86.