Vasili Pyatibrat
Vasili Lukiç Pyatibrat (ukr. Василь Лукич П'ятибрат; rus. Василий Лукич Пятибрат; 1 noyabr 1930, Babiçovka[d], Qlobino rayonu[d]) — mühəndis, dövlət xadimi, Azərbaycan SSR sənaye tikintisi naziri (1972–1979), SSRİ sənaye tikintisi nazirinin müavini (1979–1986), SSRİ-nin və RSFSR-in cənub rayonlarında tikinti nazirinin birinci müavini (1988–1989, 1989–1990), RSFSR əməkdar inşaatçısı (1991).
| Vasili Pyatibrat | |
|---|---|
| ukr. Василь Лукич П'ятибрат rus. Василий Лукич Пятибрат | |
| 2 avqust 1972 – 9 iyul 1979 | |
| Əvvəlki | Qurban Sultanov |
| Sonrakı | Tofiq Səfərəliyev |
.svg){kind=small}  | |
| 27 iyun 1979 – 19 avqust 1986 | |
| Nazir | Aleksandr Tokarev Yuri Solovyov Arkadi Şepetilnikov |
| |
| 27 oktyabr 1986 – 27 iyun 1989 | |
| Nazir | Arkadi Şepetilnikov |
| |
| 1989 – 1990 | |
| Nazir | Arkadi Şepetilnikov |
| Şəxsi məlumatlar | |
| Doğum tarixi | 1 noyabr 1930 (94 yaş) |
| Doğum yeri |
|
| Partiya |
|
| Təhsili |
|
|
|
|
| Təltifləri |
    |
.svg){kind=small}
Həyatı
[redaktə | mənbəni redaktə et]Vasili Lukiç Pyatibrat 1930-cu il noyabrın 1-də Ukrayna SSR-in Poltava vilayətinin Qlobino rayonunun Babiçovka kəndində anadan olmuşdur. Leninqrad Politexnik İnstitutunun Hidrotexniki mühəndislik fakültəsində təhsil almış, 1953-cü ildə buranı bitirdikdən sonra Kuybışev şəhərinə gələrək RSFSR Çay Donanması Nazirliyinin Sualtı Texniki İşlər İdarəsinin qrupunun komandiri olmuşdur.[1]
Vasili Pyatibrat 1960-cı ildən Kuybışev Xalq Təsərrüfatı Şurasının tikinti tresti tikinti-quraşdırma idarəsinin sahə rəisi və baş mühəndisi, 1964-cü ildən SSRİ Sənaye Tikintisi Nazirliyi Orta Volqa Baş Tikinti İdarəsinin 25 nömrəli tikinti-quraşdırma tresti tikinti idarəsinin rəisi, trest müdirinin müavini vəzifələrində işləmişdir.[2] 1969-cu ilin may ayında 25 nömrəli trestin müdiri təyin olunmuş, 3 il 3 ay bu vəzifədə işlədikdən sonra, 1972-ci ilin avqust ayında Azərbaycan SSR sənaye tikintisi naziri vəzifəsinə təyin edilmişdir.[1]
Vasili Pyatibrat 1979-cu ilin iyun ayından[3] SSRİ sənaye tikintisi nazirinin müavini, 1986-cı ilin oktyabr ayından[4] SSRİ-nin cənub rayonlarında tikinti nazirinin birinci müavini vəzifələrində, 1989–1990-cı illərdə RSFSR-in cənub rayonlarında tikinti nazirinin birinci müavini, 1990-cı ildən isə RSFSR-in Cənub Rayonlarında Tikinti üzrə Rusiya Dövlət Tikinti-Sənaye Konserni (Rosyuqstroy) idarə heyəti sədrinin birinci müavini vəzifələrində çalışmışdır. Sonrakı illərdə Moskva Vilayətinin İnkişafı üzrə Dövlət Unitar Müəssisəsinin rəhbəri olmuşdur.[1]
Vasili Pyatibrat 1960-cı ildən Sovet İttifaqı Kommunist Partiyasının üzvü olmuşdur. O, Azərbaycan SSR Ali Sovetinin VIII və IX çağırış deputatı seçilmiş, Azərbaycan Kommunist Partiyası Mərkəzi Komitəsinin üzvü olmuşdur.[2] Dəfələrlə Novokuybışev Şəhər Zəhmətkeş Deputatları Sovetinə, Kuybışev Vilayət Zəhmətkeş Deputatları Sovetinə deputat seçilmişdir. "Oktyabr inqilabı" ordeni (1971), "RSFSR əməkdar inşaatçısı" fəxri adı (8 avqust 1991), "Şərəf" ordeni (15 sentyabr 1997), 4-cü dərəcəli "Vətən qarşısında xidmətlərinə görə" ordeni (7 avqust 2006), "Moskva şəhərinə qüsursuz xidmətə görə" fərqlənmə nişanı (18 noyabr 2010) ilə təltif edilmişdir.[1]
İstinadlar
[redaktə | mənbəni redaktə et]- ↑ 1 2 3 4 "Слово о первых | Пятибрат Василий Лукич". mignsk.ru. 2022-06-21. 2023-08-22 tarixində arxivləşdirilib. İstifadə tarixi: 2023-08-22.
- ↑ 1 2 Пјатибрат Васили Лукич // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 278.
- ↑ О назначении т. Пятибрата В. Л. заместителем Министра промышленного строительства СССР // Собрание постановлений правительства Союза Советских Социалистических Республик. № 1. Москва: Управление Делами Совета Министров СССР. 1979 г. С. 376.
- ↑ О назначении т. Пятибрата В. Л. первым заместителем Министра строительства в южных районах СССР // Собрание постановлений правительства Союза Советских Социалистических Республик. № 2. Москва: Управление Делами Совета Министров СССР. 1986 г. С. 639.
Xarici keçidlər
[redaktə | mənbəni redaktə et]- "Пятибрат Василий Лукич | Орден Почёта". ru.nagrady.by (rus). 2023-08-22 tarixində arxivləşdirilib. İstifadə tarixi: 2023-08-22.
- "Пятибрат Василий Лукич | Знак отличия «За безупречную службу городу Москве" XXV лет". ru.nagrady.by (rus). 2023-08-22 tarixində arxivləşdirilib. İstifadə tarixi: 2023-08-22.