Viktor Pavlov

Viktor Pavloviç Pavlov (rus. Виктор Павлович Павлов) — Sovet və Rusiya aktyoru, Rusiyanın xalq artisti (1994).

Viktor Pavlov
rus. Виктор Павлов
Doğum tarixi	6 oktyabr 1940
Doğum yeri	Moskva, SSRİ
Vəfat tarixi	24 avqust 2006 (65 yaşında)
Vəfat yeri	Moskva, Rusiya
Vəfat səbəbi	ürək tutması
Dəfn yeri	Kuntsevo qəbiristanlığı
Vətəndaşlığı	Rusiya
Fəaliyyəti	aktyor
Fəaliyyət illəri	1960—2006
Təhsili	M. S. Şepkin adına Ali Teatr Məktəbi[d] (1959–1963)
İstiqamət	teatr və kino
Mükafatları
IMDb	ID0667805

Viktor Pavlov 6 oktyabr 1940-cı ildə Moskvada anadan olmuşdur. 1956-cı ildə səkkizillik məktəbi bitirdikdən sonra zavodda çilingər işləmişdir. Eyni vaxtda işçi gənclər məktəbində oxumuş və Müəllimlər evi yanında dram dərnəyində rollar oynamışdır. MXAT-ın aktyoru və rejissoru olan Vadim Boqomolov Viktoru Bauman adına Moskva Texniki Universitetinin yerinə teatral sahəyə daxil olmağa razı salır. 1959-cu ildə Viktor Pavlov Şşepkin adına yüksək teatr məktəbində Nikolay Annenkovun kursunun tələbəsi olmuşdur. Pavlov oranı 1963-cü ildə bitirmişdir. O, kursda Mixail Kononov və Oleq Dalla birlikdə oxumuşdu.

O, 1961-ci ildən başlayaraq epizodik rollarda kinoya çəkilirdi. Onun iştirakı ilə çəkilən ilk film Lev Kulicanovun "Ağaclar böyüyəndə" filmi olur. Bundan sonra Pavlov ən çox çəkilən aktyorlardan biri oldu. Onun filmoqrafiyasında 120-dən çox film var.

29 dekabr 1994-cü ildə Rusiyanın xalq artisti adına layiq görülmüşdür^[1].

Viktor Pavloviç Pavlov 24 avqust 2006-cı ildə Moskva şəhərində vəfat etmişdir.

1. "I" əməliyyatı və Şurikin başqa macəraları (film, 1965)
2. 12 stul (film, 1971)
3. Görüş yerini dəyişmək olmaz (film, 1979)

• Viktor Pavlov — IMDb səhifəsi