Xəyyam Mustafazadə

Vikipediyada bu ad-soyadlı digər şəxslər haqqında da məqalələr var; bax: Xəyyam Mustafazadə.

Xəyyam Mustafazadə Xaqani oğlu (4 fevral 1987, Bakı) – Azərbaycan Respublikasının Müdafiə Nazirliyinin Əlahiddə Nümunəvi Orkestrinin Baş Solisti, Azərbaycan Respublikasının əməkdar artisti[1] (2013), bas-bariton.

Xəyyam Mustafazadə
Xəyyam Xaqani oğlu Mustafazadə
Ümumi məlumatlar
Doğum tarixi 4 fevral 1987(1987-02-04) (36 yaş)
Doğum yeri
Vətəndaşlığı
Musiqiçi məlumatları
Fəaliyyəti opera müğənnisi, aktyor
Fəaliyyət illəri 2004-cü ildən
Janrlar klassik, caz, rok, pop
Səs tembri Bas-Bariton
Təhsili
Mükafatları Azərbaycan Respublikasının əməkdar artisti

Həyatı[redaktə | mənbəni redaktə et]

Xəyyam Mustafazadə Xaqani oğlu — 4 fevral 1987-ci ildə Bakı şəhərində həkim ailəsində anadan olmuşdur. Evlidir. 3 oğlu var.

Təhsili[redaktə | mənbəni redaktə et]

1993–2004 ilədək 126 saylı orta məktəbdə oxumuşdur. Uşaqlıqdan musiqiyə və incəsənətə maraq göstərmişdir. 9-cu sinifdə oxuyarkən Bakı şəhərin rayonlarının məktəblərarası vokal konkursunun qalibi olmuşdur. 2002–2003-cü illərdə Üzeyir Hacıbəyov adına Konservatoriyada şəxsi müəllim tərəfindən vokal dərsləri almışdır. 2004-cü ildə yüksək balla da Azərbaycan Dövlət Mədəniyyət və İncəsənət Universitetinə daxil olmuşdur. 2005-ci ildə (II kurs) ÜNS Yaradıcılıq Mərkəzinin solisti [2] olmuşdur. ÜNS Yaradıcılıq Mərkəzinə dəvət olunmuş professorlar tərəfindən vokal dərsləri, xareoqrafiya və aktyor sənəti öyrənmişdir. 2006-cı ildə Mədəniyyət və Turizm Nazirliyinin dəstəyi ilə keçirilən "Akademiya" realiti-şousunun qalibi olmuşdur. Dövlət tərəfindən təşkil olunmuş çoxsaylı xeyriyyəçi tədbirlərdə iştirak etmişdir. 2008-ci ildə Azərbaycan Dövlət Mədəniyyət və İncəsənət Universitetinin magistraturasına "Musiqili teatr və kino aktyoru" fakültəsinə daxil olmuşdur.

Yaradıcılığı[redaktə | mənbəni redaktə et]

2009-cu ildə 42 ölkənin nümayəndələrinin iştirak etdiyi Moskva-Tranzit-Moskva festivalında Ən yaxşı səs nominasiyasının qalibi[3][4]olmuşdur. (Jurinin sədri J. O. Kobron). 2008–2012-ci illərdə Avraviziya milli seçim konkurslarının jurisi və eksperti olmuşdur. 2007–2018-ci illərdə respublika və xarici ölkələrdə keçirilən dövlət tədbirlərinin iştirakçısı olmuşdur. Parisdə, Moskvada, Bankqoqda, İstanbulda, Sankt-Peterburqda və Həştərxanda öz ölkəsini təmsil etmişdir. 25 iyun 2013-cü ildə Azərbaycan Respublikasının Prezidenti cənab İlham Əliyev tərəfindən Respublikanın Əməkdar artisti[5] adı ilə təltif olunmuşdur. 2018-ci ildə Moskva şəhərində keçirilən 32 ölkə iştirakçısı olan IV Beynəlxalq Hərbi Oyunları mahnı müsabiqəsinin qalibi olmuşdur. 2014–2018-ci illərdə Rəşid Behbudov adına Dövlət Mahnı Teatrının və Estrada-Simfonik Orkestrinin solisti olmuşdur. Hal-hazırda ÜNS Yaradıcılıq Mərkəzinin və Azərbaycan Respublikasının Müdafiə Nazirliyinin Orkestrinin solistidir.

Mükafatlar[redaktə | mənbəni redaktə et]

2013-ci il iyunun 25-də Azərbaycan Respublikası prezidentinin sərəncamı ilə mədəniyyət, incəsənət sahəsindəki nailiyyətlərinə görə "Əməkdar artist[6]" fəxri adına layiq görülüb.

"Beynəlxalq Ordu Oyunları-2018" yarışları çərçivəsində keçirilən yaradıcılıq müsabiqələrində Müdafiə Nazirliyinin Əlahiddə Nümunəvi Orkestrinin solisti Xəyyam Mustafazadə iştirakçı komandalar arasında rus dilində vokal əsərinin ən yaxşı ifaçısı adını qazanaraq müsabiqədə birinci yerə layiq görülüb.[7]

İstinadlar[redaktə | mənbəni redaktə et]

  1. ↑ "Azərbaycan Respublikasının əməkdar artisti". 2023-06-09 tarixində arxivləşdirilib. İstifadə tarixi: 2023-06-09.
  2. ↑ https://1news.az/news/20120201070214004-Khaiyam-Mustafazade-Golos-moe-glavnoe-sokrovishce-FOTO-VIDEO
  3. ↑ Ən yaxşı səs nominasiyasının qalibi
  4. ↑ "Arxivlənmiş surət". 2023-06-09 tarixində arxivləşdirilib. İstifadə tarixi: 2023-06-09.
  5. ↑ https://news.milli.az/politics/197775.html
  6. ↑ "Arxivlənmiş surət". 2022-06-19 tarixində arxivləşdirilib. İstifadə tarixi: 2023-06-13.
  7. ↑ "Arxivlənmiş surət". 2019-05-01 tarixində arxivləşdirilib. İstifadə tarixi: 2023-06-08.