Xanlar Bəşirov
 | Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Bəşirov Xanlar Əyyub oğlu (22 mart 1957, Xanlar) — Tanınmış rəqqas və rəqs müəllimi, Azərbaycanın əməkdar artisti, Xəzər Universiteti Musiqi və İncəsənət Departamentinin müəllimi, Xəzər universitetinin oğlanlardan ibarət rəqs ansamblının bədii rəhbəri. Eyyub Bəşirovun oğlu, Yaşar Bəşirovun qardaşıdır.[1]
| Xanlar Bəşirov | |
|---|---|
| Ümumi məlumatlar | |
| Doğum adı | Bəşirov Xanlar Əyyub oğlu |
| Doğum tarixi | 22 mart 1957 (67 yaş) |
| Doğum yeri | |
| Atası | Eyyub Bəşirov |
| Musiqiçi məlumatları | |
| Fəaliyyəti | musiqiçi |
| Mükafatları |
 |
İlk təhsil və rəqsə həvəs illəri
[redaktə | mənbəni redaktə et]Xanlar Bəşirov 22 mart 1957-ci ildə Xanlar rayonunun (indiki Göygöl) inzibati mərkəzi olan Xanlar şəhərində anadan olmuşdur. Atasının işi ilə əlaqədar olaraq orta təhsilini bir neçə məktəbdə və bir neçə şəhərdə almışdır (1-ci, 2-ci sinifləri Xanlar, 3-cü sinfi Bakı, 4-cü sinfi Xanlar, 5-ci sinfi Moskva və 6-cı sinifdən orta təhsilini bitirənədək Bakı şəhərində). Dayısı Azərbaycanın əməkdar artisti peşəkar rəqqas Rafiq Əzizovun çıxışlarında tez-tez tamaşaçı kimi iştirak etdiyi üçün bu sənətə həvəsi yarandı. 1972-ci ildə Yuri Qaqarin adına Cücələrim ansamblına rəqs dərnəyinə yazıldı. İki il dərnəklərdə (Yuri Qaqarin adına pionerlər evində, Fioletov adına klubda, 26-lar klubunda və s.) məşğul olduqdan sonra bu sənəti özünə peşə seçməyi qərarlaşdırdı.
Peşəkar rəqqas
[redaktə | mənbəni redaktə et]1974-cü ildə Azərbaycan Dövlət Filarmoniyasının Dövlət mahnı və rəqs ansamblında rəqqas kimi çalışmağa başladı. Həmin ildən də Bakı Xoroeqrafiya məktəbinin Azərbaycan Xalq rəqsləri şöbəsində təhsilini davam etdirdi. 1975-ci ildə Bakı Xoroeqrafiya məktəbini bitirib, 1974–1977-ci illər ərzində Azərbaycan Dövlət Mahnı və Rəqs ansamblında Azərbaycan Respublikasının şəhər və rayonlarında, keçmiş SSRİ şəhərlərində və Finlandiya, Belçika və Avstriya kimi xarici ölkələrdə milli-mənəvi dəyərlərimizi rəqs sənəti vasitəsilə təmsil etdi. 1977–1979-cu illər ərzində Sovet Ordusu sıralarnda Bakı şəhəri Zabitlər evində hərbi mahnı və rəqs ansamblında solist-rəqqas vəzifəsində xidmət edib.
Əsgəri xidmətini bitirdikdən sonra 1979-cu ilin aprel ayından 1986-cı ilin avqustuna qədər Rəşid Behbudovun əvvəl rəhbərlik etdiyi və sonra adını daşıdığı Mahnı teatrında rəqqas-solist vəzifəsində çalışmışdır. 1982–1987-ci illərdə Mirzəağa Əliyev adına İncəsənət institunun mədəni maarif şöbəsinin klub işinin təşkili ixtisası üzrə ali təhsil aldı. 1986-cı ildən 1996-cı ilə qədər Azərbaycan Dövlət Rəqs Ansamblında rəqqas-solist vəzifəsində fəaliyyət göstərib.
Rəqqas-müəllim
[redaktə | mənbəni redaktə et]Xanlar Bəşirov 1996-cı ildə təqaüdə çıxdıqdan sonra rəqqas-solist, 1998–2002-ci illərdə isə bədii rəhbər vəzifələrində Bakı şəhəri Mədəniyyət idarəsinin nəzdində fəaliyyət göstərən Cəngi rəqs ansamblında çalışmışdır. 1997-ci ildən bugünə qədər Xəzər Universitetində rəqs müəllimi vəzifəsində çalışır.
Nüfuz və təltifləri
[redaktə | mənbəni redaktə et]Keçdiyi sənət yolunda 50-yə yaxın xarici ölkələrdə milli-mənəvi dəyərlərimizi rəqs sənəti vasitəsilə təbliğ etmişdir. 1991-ci ildə əməkdar artist fəxri adına layiq görülmüş və 2007-ci ildə Qızıl Buta mükafatına layiq görülmüşdür.
10 may 2022-ci ildə[2], 6 may 2023-cü ildə[3] və 9 may 2024-cü ildə[4] Prezident Mükafatına layiq görülmüşdür.
2007–2008-ci illərdə Fikrət Əmirov adına əməkdar kollektiv Azərbaycan Dövlət Mahnı və rəqs ansamblında baletmeyster və rəqqas-solist vəzifəsində çalışmışdır. 2007-ci ilin noyabr ayından oğlanlardan ibarət Azərbaycan Qartalları rəqs ansamblını təşkil etmişdir.
Evlidir, üç övladı, iki nəvəsi var.
- Xəqani Bəşirovun qardaşıdır
Filmoqrafiya
[redaktə | mənbəni redaktə et]Xarici keçidlər
[redaktə | mənbəni redaktə et]- ↑ "Səkkiz dil bilən azərbaycanlı akademik vəfat etdi". Bizim Yol (az.). 2017-11-12 tarixində arxivləşdirilib. İstifadə tarixi: 8 noyabr 2017.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2022. 2022-05-10 tarixində arxivləşdirilib. İstifadə tarixi: 2022-05-12.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 06.05.2023. 2023-06-28 tarixində arxivləşdirilib. İstifadə tarixi: 2023-05-07.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2024. İstifadə tarixi: 2024-05-09.