Xatirə Nurgül

Xatirə Nurgül (2 avqust 1981, Bakı) — Azərbaycan şairi, tərcüməçi. Azərbaycan Yazıçılar Birliyinin üzvü

Xatirə Nurgül
Doğum adı	Xatirə Sadıqova
Doğum tarixi	2 avqust 1981 (43 yaş)
Doğum yeri	Azərbaycan SSR Bakı
Vətəndaşlığı	Azərbaycan
Milliyyəti	Azərbaycanlı
Təhsili	Ali
Fəaliyyəti	Şair, tərcüməçi
Əsərlərinin dili	Azərbaycan
Janrlar	Şeir, esse
İlk əsəri	Göyərçin yuxusu
qumluyollar.wordpress.com

Xatirə Nurgül 2 avqust 1981-ci ildə Bakı şəhərində anadan olmuşdur. Bakı şəhəri 172 saylı orta məktəbi bitirmişdir. İxtisasca hüquqşünasdır.

1998-ci ildən dövrü mətbuatda dərc olunur. Azərbaycan , Ulduz jurnallarında, Ədəbiyyat, "Kaspi" qəzetlərində şeirləri, tərcümələri, araşdırma və esseləri çap edilmişdir. 2003-cü ildə "Vektor" Beynəlxalq Elm Mərkəzində şeirlər kitabı işıq üzü görmüşdür. 2009-cu ildən Azərbaycan Yazıçılar Birliyinin üzvüdür.

2003-cü ildə "Vektor" BEM-in "İlin ən yaxşı şeiri", 2004-cü ildə Gənclər Nazirliyinin "İlin gənc şairi" mükafatına layiq görülmüş, 2005-ci ildə QAT-ın "Qarabağ harayı" müsabiqəsinin qalibi olmuşdur.

• "Göyərçin yuxusu", şeirlər, Bakı, Vektor. 2003-cü il

• Marina Svetayeva "Mənim Puşkinim" ^[1]
• Marina Svetayeva "Puşkin və Puqaçov"^[2]
• Marina Svetayeva "Dəfnə çələngi"
• Lev Kolodnı "Şairlər və rəhbərlər" kitabı
• Lalə Umud "Sevgi dərsi" hekayələr kitabı (2018)
• Lalə Umud "Kirpiciklə Şirinciyin qeyri-adi macəraları" nağıllar kitabı (2019)
• Lalə Umud "Kirpiciklə Şirinciyin qeyri-adi macəraları" — 2-ci kitab (2021)
• Lalə Umud "İntuisiya" hekayələr kitabı - (2022)
• Lalə Umud "Cəhənnəmə gedən yolu necə tapdım" hekayələr kitabı - (2023)
• Lalə Umud "Kotlet adlı pişiklə, Küftə adlı itin nağılı"nağıllar kitabı - (2023)
• Lalə Umud "Ağabala" hekayələr kitabı - (2024)
• Berdibek Sokpakbayevin “Mənim adım Kojadır” - (2024) (Xanım Aydın və Rəbiqə Nazimqızı ilə birlikdə)^[3]

Bundan başqa, X.L.Borxes "Dante haqqında mühazirə", İosif Brodskinin məşhur nitqindən fraqmentlər, "Dünya ədəbiyyatı" dərgisinin Serbiya poeziyası sayında serb şairlərinin şeirlərindən tərcümələri "Dünya ədəbiyyatı" dərgisinin Serbiya poeziyası sayında serb şairlərinin şeirlərindən tərcümələri, Xorxe Lui Borxes — "Yeddi gecə" kitabından "Min bir gecə" əsərini, M.Zoşşenkonun, İ.Buninin, Nəcib Məhfuzun hekayələrini, Maksim Qorkinin "Boles" hekayəsi, Cemil Meriçin, Cemal Süreyanın, Orxan Vəlinin, Sabahaddin Alinin məktublarını, Aleksandr Kuprinin esselərini ^[4], eləcə də Rusiya ədəbiyyatından minimalist və vizual poeziya haqqında məqalələri və başqa elmi-bədii mətnləri dilimizə çevirmişdir.

X.Nurgül mətbuatda həm də müsahibələri ilə çıxış edir, onun bir sıra müasir türk şairləri ilə müsahibələri dərc edilmişdir. Bunlardan Yelda Karataş^[5], Ayten Mutlu^[6], Nurduran Duman^[7] kimi müasir türk ədəbiyyatında sözünü demiş şairlərlə olan müsahibələrini qeyd etmək olar.

• Otel Kaliforniya və Nəcib Fazil
• Həyatı zənginləşdirmək cəhdi
• Pəncərədən evə boylanan balıq
• Qaranlıqda ümid axtarışı

• Şükufə Nihal əfsanəsi
• Özdemir Asafın "Ölüm çiçəyi"
• Müjganın sorağında (Attila İlhanın "Mahur" şeiri)
• Vera Komissarjevskayanın "Mənəvi teatr" axtarışı
• Günəş adlı sonuncu qəhrəman
• Xoşbəxtliyin rəssamı — Abidin Dino
• Çiçəkli şeirlər yazan şair — Didem Madak
• Yəhya Kamal Bayatlı, Nazim Hikmet və "Səssiz gəmi"
• Osman Hamdi bəyin "İstanbul hanımefendisi"
• Vladimir Mayakovskinin ilham pərisi — Lilya Brik
• Kreyser adlanan xəyali zirvə (Lev Tolstoyun "Kreyser sonatası" əsəri üzərində)
• Xəz paltolu Cakonda (Səbahəddin Alinin "Xəz paltolu Madonna" əsəri üzərində gəzişmələr)
• Tanrı haqqında kitab — "Lavr" (Yevgeni Vodolazkinin "Lavr" əsəri haqqında)
• Sergi atanın qələbəsi ^[8]

Vaqif Yusifli — Xatirə Nurgülün 11 şeiri ^[9]