Yaşar Əhmədov (kapitan)

Əhmədov Yaşar Mail oğlu — 1970-ci il noyabrın 11-də Qazax rayon Aslanbəyli kəndində ziyalı ailəsində anadan olmuşdur.

Əhmədov Yaşar
Əhmədov Yaşar Mail oğlu
Şəxsi məlumatlar
Doğum tarixi	11 noyabr 1970
Doğum yeri	Azərbaycan, Qazax
Vəfat tarixi	11 fevral 2013 (42 yaşında)
Vəfat yeri	Bakı, Azərbaycan
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Hərbi Hava Qüvvələri
Rütbəsi	Kapitan
Təltifləri

1977-ci ildə Aslanbəyli kənd tam orta məktəbində 1 sinifə qəbul olmuşdur. 1987-ci ildə orta məktəbi bitirmişdir.1988-ci ildə hərbi xidmətə getmiş və 1990-cı ildə hərbi xidməti başa vurmuşdur.Azərbaycan Respublikasının DİN tərəfindən 1992-ci ilin avqust ayında giriş imtahanlarını müvəffəqiyyətlə verərək Ukrayna Respublikası Kremençuq Uçuş məktəbinə daxil olub. Azərbaycan Respublikası ilə Ukrayna Respublikası arasında olan müqavilə əsasında təhsil almışdır . Milli Aviasiya Akademiyası yarandıqdan sonra 1994-cü ilin may ayında təhsilini Milli Aviasiya Akademiyasında davam etdirmişdir .^[1]

Oxuduğu dövürlərdə həm Ukrayna,həm də Azərbaycanda Praktiki uçuşlar yerinə yetirmişdir.Mİ-2 və Mi-8 tipli helikopter pilotu kimi sertifkat almışdır.1996-cı ilin dekabr ayında Milli Aviasiya Akademiyasını müvəffiqiyyətlə bitirmişdir. Əhmədov Yaşar bu Akademiyanın ilk məzunlarındandır. 1998-ci ildə Hərbi Hava Qüvvələrində Pilot çatışmazlığı olduğuna görə könüllü olaraq hərbi təyyarəçi kimi xidmətə başlamışdır.^[2]

1. "Azərbaycan Respublikası Silahlı Qüvvələrinin 10 illiyi (1991–2001)" Yubiley Medalı ilə təltif olunmuşdur.
2. Azərbaycan Respublikası Prezidentinin adından Azərbaycan Respublikası Müdafiə Nazirinin 19 iyul 2008-ci il tarixli əmri ilə "Azərbaycan Respublikası Silahlı Qüvvələrinin 90 illik yubileyi" medalı ilə təltif olunmuşdur.
3. Azərbaycan Respublikası Prezidentinin adından Azərbaycan Respublikası Müdafiə Nazirinin 26 iyun 2008-ci il tarixli əmri ilə "Qüsursuz xidmətə görə 3-cü dərəcəli medalı ilə təltif olunmuşdur.
4. Azərbaycan Respublikası Prezidentinin adından Azərbaycan Respublikası Müdafiə Nazirinin əmri ilə "Qüsursuz xidmətə görə 2-ci dərəcəli medalı ilə təltif olunmuşdur.
5. Azərbaycan Respublikasının Hərbi Hava Qüvvəllərinin 1-ci dərəcəli təlimatçı pilotu olmuşdur.^[2]

11 fevral 2013-cü il döyüş tapşırığını yerinə yetirərkən Şıxov çimərliyi ətrafında Mi-17 helikopteri qəzaya uğramış və 3 ekipaj üzvi ilə birlikdə Şəhid olmuşdur.^[3][4][5][6]

Ramiz Məsimoğlu. Müqəddəs ocaqlarımızdan və obalarımızdan. Bakı. 14.02.2013. səh. 224-228.
Zəminə xınalı. Şəhid pilotlar. Bakı: Araz nəşriyyat. 2018. səh. 71-74.