Yekaterina Qradova

Yekaterina Georgiyevna Qradova (rus. Екатерина Георгиевна Градова; 6 oktyabr 1946, Moskva – 22 fevral 2021, Moskva) — Sovet teatr və kino aktrisası, RSFSR əməkdar artisti (1983).

Yekaterina Qradova
rus. Екатерина Градова
Doğum adı	Yekaterina Georgiyevna Qradova
Doğum tarixi	6 oktyabr 1946(1946-10-06)
Doğum yeri	Moskva, RSFSR, SSRİ
Vəfat tarixi	22 fevral 2021(2021-02-22) (74 yaşında)
Vəfat yeri	Moskva, Rusiya
Dəfn yeri	Troyekurov qəbiristanlığı
Həyat yoldaşı	Andrey Mironov İqor Timofeyev
Uşaqları	Mariya Mironova (doğma) Aleksey Suxoverkov (götürülmə)
Atası	Georgi Aleksandroviç Qradov[1]
Anası	Raisa İvanovna Qradova[2]
Fəaliyyəti	aktrisa
Fəaliyyət illəri	1969—1992
Təhsili	Moskva Dövlət Dilçilik Universiteti[d], Moskva İncəsənət Teatr Məktəbi[d]
İstiqamət	teatr kino
Mükafatları
IMDb	ID0333569

Yekaterina Georgiyevna Qradova 6 oktyabr 1946-cı ildə Moskvada tanınmış memar, professor, Georgi Qradov (1911–1984)^[3]) və Qoqol adına teatrın aktrisası Raisa Qradovanın (1923–2011) ailəsində anadan olub.^[4][5] Əvvəlcə Moskva xarici dillər institutunda, ardınca MXAT məktəb-studiyasında təhsil alıb (kurs rəhbəri — Vasili Petroviç Markov^[6]). Məşhur aktyor Andrey Mironovla nikahdan sonradan teatr və kino aktrisası kimi tanınacaq qızı Mariya Mironova dünyaya gəlib.

Aktrisa Yekaterina Qradovanın tamaşaçı kütləsi tərəfindən ilk dəfə tanınması 1969-cu ilə təsadüf edir. MXAT məktəb-studiyasının 4-cü kurs tələbəsi olarkən Mayakovski adına Moskva akademik teatrının "İstedadlar və pərəstişkarlar" tamaşasında baş rol olan Aleksandra Negina obrazını ifa edir. Həmin tamaşa rus teatrının ən görkəmli xadimləri tərəfindən səhnəyə qoyulmuşdu: quruluşçu rejissor Mariya Knebel, rəssam Yuri Pimenov, aktyorlar V. Orlova, Q. Kirillov, Vladimir Samoylov, Q. Anisimova, Aleksandr Lazarev, Maksim Ştraux və başqaları.

Aktrisa ən böyük şöhrətini isə 1973-cü ildə "Baharın on yeddi anı" çoxseriyalı bədii televiziya filminin ekranlara çıxmasından sonra qazandı. Qradova həmin filmdə Ket rolunu ifa etmişdi.

Sonrakı illərdə Qradova Satira Teatrının heyətinə qəbul edilmiş və 1987-ci ilə qədər orada çıxış etmişdir. Lakin 1980-ci illərin sonunda aktyorluq peşəsi Yekaterinanı darıxdırmağa başladı. O, həm teatrı, həm də kinonu tərk etdi. Aktrisanın fəaliyyətində son işi rəmzi olaraq, "Sonuncu" adlanan tamaşa olmuşdur.

1990-cı illərin əvvəlində din və Allaha inam barədə düşünməyə başlayır. O, xeyriyyə fondu təsis edir, yetim uşaqlara və kimsəsiz qocalara kömək etməyə başlayır. Bundan başqa Qradova Müqəddəs Tixon ilahiyyat institutunu bitirmiş, gimnaziya və məktəblərdə özünün yaratdığı "Canlı söz" fənnini tədris etməyə başlamışdır. Onun dərsləri İncil və rus klassik ədəbiyyatına əsaslanır. Həmçinin keçmiş aktrisa olaraq, "Müjdəçilər" (rus. Вестники) Ümumrusiya uşaq pravoslav hərəkatında kinoklubda məşğələlər aparır.

• Atası — Georgi Aleksandroviç Qradov (1911–1984) — memar.
• Anası — Raisa İvanovna Qradova (1923–2011) — teatr aktrisası.
• Birinci həyat yoldaşı — aktyor Andrey Mironov (1971–1976)^[7]
  • qızı — aktrisa Mariya Andreyevna Mironova (d. 28 may 1973^[8], yaxud 1974^[9])
    • nəvəsi — Andrey Udalov-Mironov (d. 4 iyun 1992)
• İkinci həyat yoldaşı (1991-ci ildən) — İqor Timofeyev, nüvə fizikası üzrə keçmiş mütəxəssis, informasiya texnologiyaları ilə məşğul olmuş və Yekaterina Qradovanın kürəkəni İqor Udalovun rəhbəlik etdiyi "ИнтерВИД" şirkətində çalışmışdır. Yekaterina Qradova və İqor Timofeyev Optina monastırı ziyarətində tanış olublar.
  • götürmə oğlu — Aleksey Suxoverkov (d. 1992) (Nikah mərasimindən sonra uşaq evindən götürülüb)^[10]

• 1969 — "İstedadlar və pərəstişkarlar" (Aleksandr Ostrovski) — A.N. Negina
• 1969 — "Altıncı kitabın sonu" — Kristina

• 1970 — "Zaman əsirlikdədir" — Vsevolodun arvadı
• 1970 — "Müdaxilə" — Janna Barbye
• 1971 — "Don Kristobalın oyunbazı" — Rosita
• 1972 — "Dilin altındakı həb" — Svetlana
• 1973 — "Qəribə adam" — Mariya
• 1973 — "Böyük evin kiçik komediyaları" — qadın
• 1973 — "Uzuncorab Peppi" — Fröken Rozenblüm
• 1974 — "Cırtdan" — müxbir
• 1974 — "Bizim 50 yaşımız var!"
• 1974 — "Şillə" — Sonya Zaxarova
• 1975 — "Köpük" — Viktorina
• 1975 — "Təmir" — Zalesskaya
• 1978 — "Dilin altındakı həb" — Svetlana
• 1979 — "Fenomenlər" — Lariçyeva
• 1980 — "Xoruzun yuvası" — İskra
• 1980 — "Qəribə adam" — Nihal
• 1981 — "Vəhşi pullar" — Lidiya Çeboksarova
• 1987 — "Sonuncular" — Sokolova

• 1971 — Baskervillərin iti (film-tamaşa) — Beril Steplton
• 1971 — Qadın monastırı (film-tamaşa)
• 1971 — İstedadlar və pərəstişkarlar — Aleksandra Negina
• 1974 — Böyük evin kiçik komediyaları — aşiq qadın
• 1978 — Çao! (film-tamaşa)
• 1978 — Dilin altındakı həb — Svetlana
• 1987 — Xoruzun yuvası — İskra

• 28 iyun 1982 — "Xalqlar Dostluğu" ordeni — Sovet televiziya filmlərinin istehsalındakı xidmətlərinə və "Baharın on yeddi anı" filminin yaradılmasında fəal iştirakına görə^[11]
• 1983 — "RSFSR əməkdar artisti" fəxri adı

• Екатерина Градова — IMDb səhifəsi
• "ВЫЛЕЧАТ ТОЛЬКО В ХРАМЕ". Екатерина Градова о религии, воспитании детей и судьбах мира.
• Екатерина Градова. "Я хочу вечной жизни".
• Приёмный сын "радистки Кэт" устроил в квартире бордель  (rus.)